Документ на казахском языке

«Өнім транзитіне рұқсат беру Қағидаларын бекіту туралы» бұйрық жобасына Қазақстан Республикасының Ұлттық кәсіпкерлер палатасының 2014 жылғы 29 қазандағы № 12034 сараптамалық қорытындысы

Қазақстан Республикасы Инвестициялар және даму министрлігі Индустриялдық даму және өнеркәсіптік қауіпсіздік комитеті

2014 жылғы 8 қазандағы шығыс № 19-08/1-966 хатқа қатысты.

САРАПТАМАЛЫҚ ҚОРЫТЫНДЫ

Қазақстан Республикасының Ұлттық кәсіпкерлер палатасы

«Өнім транзитіне рұқсат беру Қағидаларын бекіту туралы» Қазақстан Республикасының Инвестициялар және даму министрі бұйрығының жобасын (бұдан әрі – Бұйрық жобасы) қарап, келесіні хабарлаймыз.

Бұйрық жобасының 15), 16) тармақтарымен экспорттық бақылау облысындағы мемлекеттік реттеуді жүзеге асыратын уәкілетті органның кеден ісі саласындағы уәкілетті органмен өзара іс-қимылы қарастырылғандығын ескере отырып, Бұйрық жобасында Қазақстан Республикасының Қаржы министрлігін келісілетін орган ретінде көрсету мақсатқа сай деп санаймыз.

Сараптамалық қорытындымен келіспеген жағдайда, «Жеке кәсіпкерлік туралы» Қазақстан Республикасы Заңының 5-бабына және «Нормативтік құқықтық актілер туралы» Қазақстан Республикасы Заңының 15-бабына сәйкес негізделген жауап жіберуді сұраймыз.

Басқарма мүшесі Р. Ошақбаев