1-бап. Қазақстан Республикасының мынадай заңнамалық актілеріне өзгерістер мен толықтырулар енгізілсін:

1. Қазақстан Республикасының 2007 жылғы 9 қаңтардағы Экологиялық кодексіне (Қазақстан Республикасы Парламенті Жаршысы, 2007 ж., № 1, 1-құжат; № 20, 152-құжат; 2008 ж., № 21, 97-құжат; № 23, 114-құжат; 2009 ж., № 11-12, 55-құжат; № 18, 84-құжат; № 23, 100-құжат; 2010 ж., № 1-2, 5-құжат; № 5, 23-құжат; № 24, 146-құжат; 2011 ж., № 1, 2, 3, 7-құжаттар; № 5, 43-құжат; № 11, 102-құжат; № 12, 111-құжат; № 16, 129-құжат; № 21, 161-құжат; 2012 ж., № 3, 27-құжат; № 8, 64-құжат; № 14, 92-құжат, 95; № 15, 97-құжат; № 21-22, 124-құжат; 2013 ж., № 9, 51-құжат; № 12, 57-құжат; № 14, 72, 75-құжат; 2014 ж., № 1, 4-құжат; № 2, 10-құжат; № 7, 37-құжат; № 10, 52-құжат; № 12, 82-құжат; № 14, 84-құжат; № 19-І, 19-ІІ, 96-құжат; № 21, 122-құжат; № 23, 143-құжат; № 24, 145-құжат; 2015 ж., № 8, 42-құжат; № 11, 57-құжат; № 20-IV, 113-құжат; № 20-VII, 115-құжат; № 22-I, 141-құжат; № 22-II, 144-құжат; № 22-V, 156-құжат; 2016ж., № 1, 2-құжат; «Егемен Қазақстан» және «Казахстанская правда» газеттеріне 2016 жылғы 30 сәуірде жарияланған «Қазақстан Республикасының кейбір заңнамалық актілеріне Қазақстан Республикасының «жасыл экономикаға» көшуі мәселелері бойынша өзгерістер мен толықтырулар енгізу туралы» 2016 жылғы 28 сәуірдегі Қазақстан Республикасының Заңы):

1) 17-бап мынадай мазмұндағы 26-2) тармақшамен толықтырылсын:

«26-2) құзыреті шеңберінде стандарттау жөніндегі құжаттар жобаларын қарастыруды, сондай-ақ ұлттық, мемлекетаралық стандарттарды және ұлттық техника-экономикалық ақпарат жіктеуіштерін әзірлеу, өзектендіру және жою бойынша ұсыныстар дайындауды жүзеге асырады;»;

2) 31-бап алып тасталсын;

3) 32-баптың 4-тармағы мынадай редакцияда жазылсын:

«4. Экологиялық таза өнім стандарттары, экологиялық таза өнім белгісінің нысаны мен оған қойылатын техникалық талаптарды «Сәйкестікті бағалау саласындағы аккредиттеу туралы» Қазақстан Республикасының Заңына сәйкес аккредиттелген коммерциялық емес ұйым белгілейді»;

4) 34-бапта:

тақырып мынадай редакцияда жазылсын:

«34-бап. Халықаралық стандарттарды енгізу және қолдану»;

мынадай мазмұндағы 1-1 тармақпен толықтырылсын:

«1-1. Халықаралық стандарттарды енгізу және қолдану стандарттау саласындағы заңнамаға сәйкес жүзеге асырылады.»;

5) 132-баптың 9-тармағы мынадай редакцияда жазылсын:

«9. Қоршаған ортаның өндiрiстiк мониторингiн Қазақстан Республикасының сәйкестікті бағалау саласындағы аккредиттеу туралы заңнамасында белгiленген тәртiппен аккредиттелген өндiрiстiк немесе тәуелсiз зертханалар жүзеге асырады.»;

6) 220-баптың 2-тармағының 2) тармақшасы мынадай редакцияда жазылсын:

«2) «Сәйкестікті бағалау саласындағы аккредиттеу туралы» Қазақстан Республикасының Заңында белгіленген тәртiппен аккредиттелген өзiнiң немесе өзге де зертханаларға ағызылатын сулардың химиялық құрамын айқындауды қамтамасыз етуге;».