БҰЙЫРАМЫН:

1. «Пестицидтерді тіркеу (ұсақмөлдекті және өндірістік) сынақтарынан өткізу және мемлекеттік тіркеу қағидаларын бекіту туралы» Қазақстан Республикасы Ауыл шаруашылығы министрінің 2015 жылғы 30 қаңтардағы № 4-4/61 бұйрығына (Нормативтік құқықтық актілерді мемлекеттік тіркеу тізілімінде № 11687 болып тіркелген) мынадай өзгерістер мен толықтырулар енгізілсін:

көрсетілген бұйрықпен бекітілген Пестицидтерді тіркеу (ұсақмөлдекті және өндірістік) сынақтарынан өткізу және мемлекеттік тіркеу қағидаларында:

5-тармақ мынадай редакцияда жазылсын:

«5. Орындаушы ұйымдардың тізбесін орындаушы ұйымдардың жыл сайын ағымдағы жылдың 1 ақпанына дейін мынадай құжаттарды қоса бере отырып Ведомствоға ұсынатын өтініш-хаттарының негізінде Ведомство қалыптастырады:

1) «Ғылыми және (немесе) ғылыми-техникалық қызмет субъектілерін аккредиттеу қағидаларын бекіту туралы» Қазақстан Республикасы Ғылым және жоғары білім министрінің 2023 жылғы 25 шілдедегі № 335 бұйрығына (Нормативтік құқықтық актілерді мемлекеттік тіркеу тізілімінде № 33182 болып тіркелген) сәйкес ғылыми және (немесе) ғылыми-техникалық қызмет субъектісі ретінде аккредитациясын растайтын құжаттың көшірмесі және (немесе) «Сәйкестікті бағалау саласындағы аккредиттеу туралы» Қазақстан Республикасының Заңына сәйкес сынақ зертханасын аккредиттеу аттестаты;

2) мамандардың біліктілігін растайтын құжаттардың көшірмелерін қоса бере отырып, штат кестесі;

3) пестицидтерді тіркеу (ұсақмөлдекті және өндірістік) сынақтарын және (немесе) токсикологиялық бағалауды жүргізу кезінде пайдаланылатын жабдық, аспаптар, техника туралы мәліметтердің көшірмелері;

4) тіркеу (ұсақмөлдекті және өндірістік) сынақтарын жүргізу үшін жер учаскелеріне құқық белгілейтін құжаттардың болуы туралы мәліметтердің көшірмелері.».

10-тармақтың бірінші абзацы мынадай редакцияда жазылсын:

«10. Мынадай жағдайларда пестицидтерді ұсақмөлдекті сынақтардан өткізуге жол берілмейді:»;

мынадай мазмұндағы 14-1-тармақпен толықтырылсын:

«14-1. Құрамында жаңа белсенді заттары бар пестицидтердің қалдық мөлшерін анықтау тіркеу (ұсақмөлдекті) сынақтарының барысында екі рет жүргізіледі.»;

мынадай мазмұндағы 23-1-тармақпен толықтырылсын:

«23-1. Пестицидтің дәл сол дақылда және дәл сол зиянды организмдерге қарсы ұсақмөлдекті сынақтарын жүргізген орындаушы ұйым өндірістік сынақтарды жүргізуге тағайындалмайды.»;

28-тармақ мынадай редакцияда жазылсын:

«28. Мынадай жағдайларда пестицидтерді өндірістік сынақтардан өткізуге жол берілмейді:

1) пестицидтердің әсер етуші заттары аса уытты заттарға жатса, сондай-ақ Қазақстан Республикасы ратификациялаған конвенциялардың тізбесіне және Тізілімге енгізілсе;

2) уәкілетті мемлекеттік органдардан пестицидтердің адамның денсаулығына, жануарлардың саулығына және қоршаған ортаға қауіптілігі туралы бұрын белгiсiз деректер алынса;