1. Қоса берiлiп отырған Республикалық бюджет қаражаты есебiнен республика азаматтарын шетелге емделуге жiберудiң ережесi бекiтiлсiн. 

Тақырыбы және 1-тармақ өзгертілді ҚР Үкіметінің 14.11.2002. № 1206 қаулысымен. (29.02.2000 жылғы редакцияны қараңыз)

2. Қазақстан Республикасының Денсаулық сақтау iсi жөнiндегi агенттiгi бiр ай мерзiмде Республика азаматтарын шетелге емделуге жiберу жөнiндегi комиссия туралы ереженi әзiрлесiн және бекiтсiн.

3. Осы қаулы қол қойылған күнінен бастап күшiне енедi.

Қазақстан Республикасының 

Премьер-Министрі

1. Шетелдiк медициналық ұйымдарға емделуге жiберуге, оларға қатысты тегiн медициналық көмектiң кепiлдендiрiлген көлемi шеңберiнде Қазақстан Республикасының емдеу-алдын алу ұйымдарында оң емдеу нәтижесi алынбаған емдеудiң барлық қолдануға рұқсат етiлген әдiстерi пайдаланылған, ал шетелдiк медициналық ұйымдарда оларға Қазақстан Республикасында қолданылмайтын қосымша немесе жаңа мамандандырылған медициналық әдiстер қолданылуы мүмкiн уәкілеттi орган бекіткен аурулар тiзбесiне енгiзілген аурулардан зардап шегушi азаматтар жатады. 

1-тармақ өзгертілді ҚР Үкіметінің 14.11.2002. № 1206 қаулысымен. (29.02.2000 жылғы редакцияны қараңыз)

2. Қазақстан Республикасының, азаматтардың денсаулығын сақтау саласына басшылықты жүзеге асыратын және "Науқас адамдарды шетелде емдеу" республикалық бюджеттiк бағдарламасының әкiмшiсi болып табылатын, уәкiлеттi орталық органы (бұдан әрi - уәкiлеттi орган) республика азаматтарын шетелдiк медициналық ұйымдарға емделуге жiберу жөнiндегi тұрақты жұмыс iстейтiн комиссия (бұдан әрi - комиссия) құрады.

3. Комиссия өз қызметiн, осы Ереже мен уәкiлеттi орган бекiткен, Республика азаматтарын шетелдiк медициналық ұйымдарға емделуге жiберу жөнiндегi комиссия туралы ережеге сәйкес жүргiзедi.

4. Комиссия азаматтардың өтiнiштерiн мынадай құжаттардың: 

1) аумақтық денсаулық сақтау органының шетелдiк медициналық ұйымдарға емдеуге жiберу туралы өтiнiшiнiң; 

2) республикалық мамандандырылған медициналық ұйымдардың қорытындысының;  

3) негiзгi және қосымша ауруларды, диагностикалық зерттеулердiң нәтижелерiн, жүргiзiлген емдеу курсын көрсету арқылы ауру тарихынан егжей-тегжейлi көшiрменiң; 

4) денсаулық сақтаудың жергiлiктi аумақтық органдарының бас бейiндiк мамандары қорытындысының; 

5) уәкiлеттi органның бейiндiк штаттан тыс бас мамандары қорытындысының негiзiнде қарайды.  

Егер жоғарыда көрсетiлген құжаттардың бiреуi болмаса, комиссия құжаттарды қарауға қабылдамайды.

4-тармақ өзгертілді ҚР Үкіметінің 14.11.2002. № 1206 қаулысымен. (29.02.2000 жылғы редакцияны қараңыз)

5. Комиссияға құжаттар мемлекеттiк немесе орыс тiлiнде екi данада ұсынылады.

6. Осы Ереженiң 4-тармағына сәйкес ұсынылған құжаттардың негiзiнде комиссия республика азаматтарын шетелге емделуге жiберудiң орындылығын құжаттар түскен күннен бастап 7 күннiң iшiнде анықтайды. 

Комиссия, сондай-ақ науқасты алып жүретiн адам болуының негiздiлiгiн, науқас пен оны алып жүретiн адамның жол жүру қаражатын қарастырады. 

6-тармақ абзацпен толықтырылды ҚР Үкіметінің 14.11.2002. № 1206 қаулысымен.

7. Комиссия өзiнiң шығарған шешiмi туралы өтiнiш берушiге жазбаша хабар бередi. Хабар мен комиссия қорытындысының үлгiлерiн уәкiлеттi орган белгiлейдi. 

Комиссияның белгiленген үлгiдегi қорытындысының негiзiнде уәкiлеттi орган мен шетелдiк медициналық ұйым арасында ақылы медициналық қызметтер көрсету туралы шарт (бұдан әрi - шарт) жасалады.  Алынып тасталды (ескертуді қараңыз)

6-тармақ абзацпен толықтырылды ҚР Үкіметінің 14.11.2002. № 1206 қаулысымен
8. Алып тасталды ҚР Үкіметінің 14.11.2002. № 1206 қаулысымен
9. Алып тасталды ҚР Үкіметінің 14.11.2002. № 1206 қаулысымен
10. Алып тасталды ҚР Үкіметінің 14.11.2002. № 1206 қаулысымен. (29.02.2000 жылғы редакцияны қараңыз)

11. "Ауруларды шетелде емдеу" республикалық бюджеттiк бағдарламасын қаржыландыру бюджет заңнамасына сәйкес жүзеге асырылады. 

11-тармақ жаңа редакцияда ҚР Үкіметінің 14.11.2002. № 1206 қаулысымен. (29.02.2000 жылғы редакцияны қараңыз)

12. Уәкiлетті орган аумақтық Қазынашылық органына белгiленген тәртiппен мынадай құжаттар: 

1) комиссияның қорытындысын; 

2) шарттың көшiрмесiн ұсынады.  Алынып тасталды (ескертуді қараңыз)

12-тармақ жаңа редакцияда ҚР Үкіметінің 14.11.2002. № 1206 қаулысымен
13. Алып тасталды ҚР Үкіметінің 14.11.2002. № 1206 қаулысымен. (29.02.2000 жылғы редакцияны қараңыз)

14. Комиссия ақшалай қаражат бөлгеннен кейiн азаматқа үш жұмыс күнiнiң iшiнде шетелдiк медициналық ұйымда емдеуге қабылданған шешiм туралы және заңдарда белгiленген тәртiппен шетелге шығуға рұқсатты ресiмдеу қажеттiгi түралы жазбаша хабарлайды.  Алынып тасталды (ескертуді қараңыз)

14-тармақ өзгертілді ҚР Үкіметінің 14.11.2002. № 1206 қаулысымен
15. Алып тасталды ҚР Үкіметінің 14.11.2002. № 1206 қаулысымен. (29.02.2000 жылғы редакцияны қараңыз)

16. Қазақстан Республикасының Сыртқы iстер министрлiгi шетелге емделуге жiберiлген республика азаматтарының баруға және келуге арналған визалық құжаттарын ресiмдеуге жәрдем көрсетедi.

17. Уәкiлеттi орган белгiленген тәртiппен Қазақстан Республикасының Қаржы министрлiгi бөлген ақшалай қаражатты конвертациялайды және оны шетелдiк медициналық ұйымға аударады.

18. Шетелдiк медициналық ұйымда емдеуден өткен Қазақстан Республикасының азаматтары немесе оларды алып жүрген адамдар аумақтық денсаулық сақтау органдарына мынадай құжаттарды:  

1) жүргiзiлген емдеудiң құнын растайтын құжаттарды; 

2) шетелдiк медициналық ұйымның науқасты емдеудiң онан арғы тактикасы жөнiндегi ұсынымымен бiрге ауру тарихынан көшiрменi; 

3) егер емделуге жол жүрудi қаржыландыру мемлекеттiк бюджеттен жүзеге асырылатын болса, жол жүру құжаттарын ұсынады. 

Науқас қайтыс болған жағдайда, оны алып жүрген адам немесе жақын туыстары болмаған кезде, жоғарыда көрсетiлген құжаттарды уәкiлеттi органның сұратуы бойынша Қазақстан Республикасының Сыртқы iстер министрлiгi жiбередi.

18-тармақ өзгертілді ҚР Үкіметінің 14.11.2002. № 1206 қаулысымен. (29.02.2000 жылғы редакцияны қараңыз)

19. Аумақтық денсаулық сақтау органдары осы Ереженiң 18-тармағында көрсетiлген құжаттарды науқасты шығарған сәттен бастап 1 ай iшiнде шетелдiк медициналық ұйымда жүргiзiлетiн емдеудiң нәтижелерi туралы хаттаманы ресiмдеу үшiн комиссияға ұсынады. 

19-тармақ жаңа редакцияда ҚР Үкіметінің 14.11.2002. № 1206 қаулысымен. (29.02.2000 жылғы редакцияны қараңыз)