Қазақстан Республикасының Үкіметі ҚАУЛЫ ЕТЕДІ:

1. Қазақстан Республикасы Үкіметінің кейбір шешімдеріне өзгерістер мен толықтырулар енгізілсін:

1) «Энергия үнемдеу және энергия тиімділігін арттыру саласындағы аккредиттеу қағидаларын бекіту туралы» Қазақстан Республикасы Үкіметінің 2013 жылғы 18 ақпандағы №146 қаулысына (Қазақстан Республикасының ПУАЖ-ы, 2013 ж., №106, 286 - құжат, 2013 ж., №40, 603 – құжат):

көрсетілген қаулымен бекітілген, Энергия үнемдеу және энергия тиімділігін арттыру саласындағы аккредиттеу қағидаларында:

5 - тармақта:

бірінші бөлікте:

3) тармақша мынадай редакцияда жазылсын:

«2) жарғының және заңды тұлға ретінде мемлекеттік (қайта тіркеу) тіркеу туралы куәліктің* немесе анықтаманың көшірмесі;»;

3) тармақша мынадай редакцияда жазылсын:

«3) тиісті материалдық-техникалық қамтамасыз етудің болуын растайтын құжаттар, атап айтқанда:  

өнеркәсіптік кәсіпорындардың, сондай-ақ үйлердің, құрылыстардың, ғимараттардың энергия аудитін жүргізу бойынша қызметтер көрсетуге аккредиттелетін сараптамалық ұйым - энергоаудиторлар үшін - осы Қағидаларға 2-қосымшаға сәйкес меншік* құқығындағы ақпараттық-өлшеу кешендері мен техникалық құралдар, олардың аттестациясы мен мемлекеттік тексерісі;

үйлердің, ғимараттардың және құрылыстардың энергия аудитін жүргізу бойынша қызметтерді көрсету үшін аккредиттелетін энергия аудитін жүргізетін сараптамалық ұйымдар үшін - осы Қағидаларға 3-қосымшаға сәйкес меншік* құқығындағы ақпараттық-өлшеу кешендері мен техникалық құралдар, олардың аттестациясы және мемлекеттік тексерісі;

Ескертпе: * Меншік құқығындағы ақпараттық-өлшеу кешендері мен техникалық құралдар өтініш берілетін күнге дейін 30 күнтізбелік күннен кешіктірмей берілген айналым-айырма тізімдемесімен куәландырылған болуы керек;»;

4) тармақша мынадай редакцияда жазылсын:

«4) штатта жоғары инженерлік-техникалық білімі бар (олардың жоғары білімі туралы дипломдарының көшірмесін қоса отырып), жалпы техникалық жұмыс өтілі кемінде 5 жыл білікті персоналдың болуын растайтын құжаттар, атап айтқанда:

өнеркәсіптік кәсіпорындардың, сондай-ақ үйлердің, құрылыстардың, ғимараттардың энергия аудитін жүргізу бойынша қызметтер көрсетуге аккредиттелетін сараптамалық ұйым - энергоаудиторлар үшін – штатта білікті персоналдың құрамында төрт адамнаң кем емес болуы, соның ішінде электр қауіпсіздігі бойынша рұқсаттың IV және одан жоғары тобы бар кем дегенде бір электр энергетик;

үйлердің, құрылыстардың, ғимараттардың энергия аудитін жүргізу бойынша қызметтер көрсетуге аккредиттелетін сараптамалық ұйым - энергоаудиторлар үшін – штатта білікті персоналдың құрамында екі адамнаң кем емес болуы, соның ішінде электр қауіпсіздігі бойынша рұқсаттың III және одан жоғары тобы бар кем дегенде бір электр энергетик;