«Пошта туралы» 2016 жылғы 9 сәуірдегі Қазақстан Республикасы Заңының 5-бабы 1-тармағының 9) тармақшасына сәйкес БҰЙЫРАМЫН:

1.Қоса берілген мыналарды:

1) Ұлттық пошта операторның арнайы пошта байланыс қызметі жұмыскерлерінің формалық киім үлгісі 1 қосымшаға сәйкес;

2) Ұлттық пошта операторының жұмыскерлерінің (погонсыз) формалық киім үлгісі 2 қосымшаға сәйкес;

3) Ұлттық пошта операторының арнайы пошта байланыс қызметі жұмыскерлерінің формалық киімдер үлгісі нормаға сәйкес қамтамасыздандыр,кию ережесі;

4) Ұлттық пошта операторының жұмыскерлерінің (погонсыз) формалық киім үлгісін нормаға сәйкес қамтамасыздандыр,кию ережесі бекітілсін;

2. Қазақстан Республикасы Ақпарат және коммуникациялар Вице-министрлігіне (С.С. Сарсенов):  

1) осы бұйрықтың Қазақстан Республикасы Әділет министрлігінде мемлекеттік тіркелуін;

2) осы бұйрық Қазақстан Республикасы Әділет министрлігінде мемлекеттік тіркелгеннен кейін оның көшірмелерін баспа және электрондық түрде күнтізбелік он күн ішінде мерзімді баспа басылымдарында және «Әділет» ақпараттық-құқықтық жүйесінде ресми жариялауға, сондай-ақ тіркелген бұйрықты алған күннен бастап күнтізбелік он күн ішінде Қазақстан Республикасының нормативтік құқықтық актілерінің эталондық бақылау банкіне енгізу үшін Республикалық құқықтық ақпарат орталығына жіберуді;

3) осы бұйрықтың Қазақстан Республикасы Ақпарат және коммуникациялар интернет-ресурсында және мемлекеттік органдардың интранет-порталында жариялануын;

4) осы бұйрық Қазақстан Республикасы Әділет министрлігінде мемлекеттік тіркелгеннен кейін он жұмыс күні ішінде осы бұйрықтың 2-тармағының 1), 2) және 3) тармақшаларында көзделген іс-шаралардың орындалуы туралы мәліметтердің Қазақстан Республикасы Ақпарат және коммуникациялар Заң департаментіне ұсынылуын қамтамасыз етсін.  

3. Осы бұйрықтың орындалуын бақылау жетекшілік ететін Қазақстан Республикасының Ақпарат және коммуникациялар вице-министріне жүктелсін.

4. Осы бұйрық оның алғашқы ресми жарияланған күнінен кейін күнтізбелік он күн өткен соң қолданысқа енгізіледі.

Қазақстан Республикасының
Ақпарат және коммуникациялар
министрі Д. Абаев