2010 жылғы 19 наурыздағы Қазақстан Республикасының заңдарына сәйкес Қазақстан Республикасы Ұлттық Банкінің Басқармасы ҚАУЛЫ ЕТЕДІ:

1. Мыналар:

1) осы қаулыға 1-қосымшаға сәйкес сауда-саттықты ұйымдастырушы есептілігінің тізбесі;

2) осы қаулыға 2-қосымшаға сәйкес бағалы қағаздарды сатып алуға/сатуға өтінімдер туралы есептің нысаны;

3) осы қаулыға 3-қосымшаға сәйкес мәмілелердің тараптары көрсетіле отырып, бағалы қағаздармен сауда-саттықтың нәтижелерi туралы есептің нысаны;

4) осы қаулыға 4-қосымшаға сәйкес бағалы қағаздармен «РЕПО» операцияларына өтiнiмдер туралы есептің нысаны;

5) осы қаулыға 5-қосымшаға сәйкес оларға қатысушылар көрсетіле отырып, бағалы қағаздармен «РЕПО» операциялары туралы есептің нысаны;

6) осы қаулыға 6-қосымшаға сәйкес туынды қаржы құралдарын сатып алуға/сатуға өтінімдер туралы есептің нысаны;

7) осы қаулыға 7-қосымшаға сәйкес мәмілелердің тараптары көрсетіле отырып, туынды қаржы құралдарымен сауда-саттықтың нәтижелерi туралы есептің нысаны;

8) осы қаулыға 8-қосымшаға сәйкес шетел валюталарын сатып алуға/сатуға өтінімдер туралы есептің нысаны;

9) осы қаулыға 9-қосымшаға сәйкес шетел валюталарымен сауда-саттықтың нәтижелерi туралы есептің нысаны;

10) осы қаулыға 10-қосымшаға сәйкес сауда-саттықты ұйымдастырушының мүшелерi туралы есептің нысаны;

11) осы қаулыға 11-қосымшаға сәйкес сауда-саттықты ұйымдастырушы тiзiмiнiң жекелеген секторларына (санаттарына) кiретiн бағалы қағаздар туралы есептің нысаны;

12) осы қаулыға 12-қосымшаға сәйкес сауда-саттықты ұйымдастырушының тiзiмiне кiретiн бағалы қағаздарды қоспағанда, қаржы құралдары туралы есептің нысаны;

12-1) осы қаулыға 12-1-қосымшаға сәйкес мәмілелер көлемі туралы есеп;

1-тармақ 12-1-тармақшамен толықтырылды ҚР Ұлттық Банкі Басқармасының 29.01.2018 жылғы № 5 Нормативтік Қаулысына сәйкес (алғашқы ресми жарияланғаннан кейін күнтізбелік 10 (он) күн өткен соң қолданысқа енгізілуі тиіс) 19.03.2018 жылы "ҚР НҚА электрондық түрдегі эталондық бақылау банкі" ақпараттық жүйесінде жарияланды

13) осы қаулыға 13-қосымшаға сәйкес бағалы қағаздар нарығын капиталдандыру туралы есептің нысаны;

14) осы қаулыға 14-қосымшаға сәйкес клиенттердің шоттары туралы есептің нысаны;

15) осы қаулыға 15-қосымшаға сәйкес сауда-саттықты ұйымдастырушымен ерекше қатынастармен байланысты тұлғалармен есепті ай ішінде жасалған, сондай-ақ есепті күні қолданыстағы мәмілелер туралы есептің нысаны және сауда-саттықты ұйымдастырушымен ерекше қатынастармен байланысты тұлғалардың тізілімі;