Қазақстан Республикасының Үкіметі ҚАУЛЫ ЕТЕДІ:

1. «Қазақстан Республикасы Төтенше жағдайлар министрлігінің мәселелері» туралы Қазақстан Республикасы Үкіметінің 2020 жылғы 23 қазандағы № 701 қаулысына мынадай өзгерістер мен толықтырулар енгізілсін:

көрсетілген қаулымен бекiтiлген Қазақстан Республикасы Төтенше жағдайлар министрлігі туралы ережеде:

15-тармақта:

1) тармақша мынадай редакцияда жазылсын:

«1) төтенше жағдайлардың алдын алу және оларды жою;»;

5) тармақша мынадай редакцияда жазылсын:

«5) азаматтық қорғаудың мемлекеттік жүйесін дамыту;»;

1-тармағының сегізінші-оныншы абзацтары осы Қаулының 2-тармағына сәйкес 2025 жылғы 30 маусымнан бастап қолданысқа енгізіледі

мынадай мазмұндағы 7) және 8) тармақшалармен толықтырылсын:

«7) төтенше жағдай аймағындағы халыққа шұғыл медициналық және психологиялық көмек көрсету;

8) азаматтық қорғау органдарын материалдық-техникалық жарақтандыру, азаматтық қорғау органдарының қызметкерлері мен әскери қызметшілерін кәсіби қызметтік және физикалық даярлау, оларды ұдайы әзірлікте ұстап тұру.»;

16-тармақта:

1) тармақша мынадай редакцияда жазылсын:

«1) мемлекеттің ішкі және сыртқы саясатының Қазақстан Республикасының Президенті айқындаған негізгі бағыттары және мемлекеттің әлеуметтік-экономикалық саясатының, оның қорғаныс қабілеттілігінің, қауіпсіздігінің, қоғамдық тәртіпті қамтамасыз етудің Қазақстан Республикасының Үкіметі әзірлеген негізгі бағыттары негізінде және оларды орындау үшін Қазақстан Республикасының заңнамасына сәйкес мемлекеттік материалдық резерв саласындағы мемлекеттік саясатты қалыптастырады;»;

мынадай мазмұндағы 1-1) тармақшамен толықтырылсын:

«1-1) өз құзыреті шегінде стратегиялық, реттеу, іске асыру және бақылау-қадағалау функцияларын жүзеге асырады;»;

10), 11) және 12) тармақшалар мынадай редакцияда жазылсын:

«10) облыстардың, қалалардың, аудандардың азаматтық қорғаныс жоспарларын әзірлейді;