Қазақстан Республикасының Үкіметі  ҚАУЛЫ ЕТЕДІ :

1. "Білім беру қызметіне қойылатын лицензиялау ережесі мен оған қойылатын біліктілік талаптарын бекіту туралы" Қазақстан Республикасы Үкіметінің 2007 жылғы 2 маусымдағы N 452  қаулысына (Қазақстан Республикасының ПҮАЖ-ы, 2007 ж., N 18, 202-құжат) мынадай өзгерістер мен толықтырулар енгізілсін:

1) кіріспеде "1999 жылғы 7 маусымдағы" деген сөздер "2007 жылғы 27 шілдедегі" деген сөздермен ауыстырылсын;

2) көрсетілген қаулымен бекітілген Білім беру қызметін лицензиялау ережесінде: 

2-тармақта: 

екінші абзац мынадай редакцияда жазылсын: 

"мектепке дейінгі тәрбие беру мен оқытудың және балаларға қосымша білім берудің жалпы білім беретін оқу бағдарламаларын, балалар мен жасөспірімдерге арналған спорт бойынша қосымша білім беретін оқу бағдарламаларын іске асыратын заңды тұлғалардың білім беру қызметі;";

төртінші абзац мынадай редакцияда жазылсын: 

"бастауыш, негізгі орта, жалпы орта, техникалық және кәсіптік білім беру, оның ішінде кәсіптер бойынша, орта оқу орнынан кейінгі, жоғары, жоғары оқу орнынан кейінгі білімнің, оның ішінде мамандықтар бойынша негізгі білім беру бағдарламаларын іске асыратын заңды тұлғалардың білім беру қызметі";

3 және 4-тармақтар алынып тасталсын;

5-тармақтың үшінші абзацы алынып тасталсын;

7-тармақ мынадай редакцияда жазылсын: 

"7. Лицензияның қолданылуын тоқтата тұру, одан айыру әкімшілік құқық бұзушылық туралы Қазақстан Республикасының заңнамасында көзделген тәртіппен жүзеге асырылады.";

3) көрсетілген қаулымен бекітілген білім беру қызметін лицензиялау кезінде қойылатын біліктілік талаптарында: 

1-тармақта: 

бірінші абзацтағы "Мектепке дейінгі ұйымдардың" деген сөздер "Мектепке дейінгі тәрбие беру мен оқытудың жалпы білім беретін оқу бағдарламаларын іске асыратын ұйымдардың" деген сөздермен ауыстырылсын;

1, 2, 3 және 4-тармақтардың 7) тармақшасы мынадай редакцияда жазылсын: 

"7) меншік не шаруашылық жүргізу немесе жедел басқару құқығына тиесілі білім беру қызметінің сапасын қамтамасыз ететін материалдық және материалдық емес активтердің болуы.";

2-тармақтың бірінші абзацында "Жалпы бастауыш білім беретін" деген сөздер "Бастауыш білімнің оқу бағдарламаларын іске асыратын" деген сөздермен ауыстырылсын;