"Қаржы нарығын және қаржы ұйымдарын мемлекеттік реттеу мен қадағалау туралы" Қазақстан Республикасы  Заңының 9-бабы 1-тармағының 6) тармақшасына және "Бағалы қағаздар рыногы туралы" Қазақстан Республикасы  Заңының 3-бабы 2-тармағының 15) тармақшасына сәйкес, Қазақстан Республикасының Қаржы нарығын және қаржы ұйымдарын реттеу мен қадағалау жөніндегі агенттігінің (бұдан әрі - Агенттік) Басқармасы  ҚАУЛЫ ЕТЕДІ:

1. Қоса беріліп отырған Зейнетақы активтерін инвестициялық басқару жөніндегі қызметті жүзеге асыратын заңды тұлғалардың есеп беру ережесі бекітілсін. 

2. Осы қаулы 2005 жылғы 1 ақпаннан бастап қолданысқа енеді. 

3. Стратегия және талдау департаменті (Еденбаев Е.С.): 

1) Заң департаментімен (Байсынов М.Б.) бірлесіп осы қаулыны Қазақстан Республикасының Әділет министрлігінде мемлекеттік тіркеуден өткізу шараларын және оны қабылдауға байланысты өзге де шараларды қолға алсын; 

2) Қазақстан Республикасының Әділет министрлігінде мемлекеттік тіркеуден өткізілген күннен бастап он күндік мерзімде осы қаулыны Агенттіктің мүдделі бөлімшелеріне, Қазақстан Республикасының Ұлттық Банкіне, зейнетақы активтерін инвестициялық басқару жөніндегі қызметті жүзеге асыруға лицензиясы бар заңды тұлғаларға, "Қазақстан қаржыгерлерінің қауымдастығы" Заңды тұлғалар бірлестігіне жіберсін. 

4. Агенттіктің қызметін қамтамасыз ету департаменті (Несіпбаев Р.Р.) осы қаулыны Қазақстан Республикасының бұқаралық ақпарат құралдарында жариялау шараларын қолға алсын. 

5. Осы қаулының орындалуын бақылау Агенттік Төрағасының орынбасары Е.Л.Бахмутоваға жүктелсін.

Төраға

Осы Ереже «Қаржы нарығын және қаржы ұйымдарын мемлекеттік реттеу мен қадағалау туралы» 2003 жылғы 4 шілдедегі Қазақстан Республикасының Заңына, «Бағалы қағаздар рыногы туралы» 2003 жылғы 2 шілдедегі Қазақстан Республикасының Заңына сәйкес әзірленді және зейнетақы активтерін инвестициялық басқаруды жүзеге асыратын заңды тұлғалардың (бұдан әрі - Ұйым) есептілігін Қазақстан Республикасы Ұлттық Банкінің Қаржы нарығын және қаржы ұйымдарын бақылау мен қадағалау комитетіне (бұдан әрі - уәкілетті орган) ұсыну тізбесін, нысандарын, мерзімін және тәртібін белгілейді.

Кіріспе жаңа редакцияда ҚР Ұлттық Банкі Басқармасының 30.09.2011 № 118 (03.09.2010 жылғы редакцияны қараңыз) Қаулысымен.(алғашқы ресми жарияланған күнінен бастап күнтізбелік он күн өткен соң қолданысқа енгізіледі)

1. Ұйымның есебіне мыналар жатады:

1) зейнетақы активтері инвестициялық басқарудағы әрбір жинақтаушы зейнетақы қоры бөлiгiнде, сондай-ақ осы Ереженiң 1-қосымшасына сәйкес нысан бойынша инвестициялық портфельдің түрлері бөлігінде - есептi кезеңнiң әрбір жеке күнтiзбелiк күнiнiң соңындағы жағдай бойынша зейнетақы активтерiнiң құны туралы есеп;

2) зейнетақы активтерi инвестициялық басқарудағы әрбiр жинақтаушы зейнетақы қоры бөлiгiнде, сондай-ақ осы Ереженiң 2-қосымшасына сәйкес нысан бойынша инвестициялық портфельдің түрлері бөлігінде - есептi кезеңнiң соңғы күнтiзбелiк күнiнiң соңындағы жағдай бойынша зейнетақы активтерiнiң инвестициялық портфелiнiң құрылымы туралы есеп;

3) осы Ереженiң 3-қосымшасына сәйкес есептi кезеңнiң соңғы күнтiзбелiк күнiнiң соңындағы жағдай бойынша өз активтерi есебiнен сатып алынған бағалы қағаздар туралы есеп;

4) осы Ереженің 4-қосымшасына сәйкес есепті кезеңнің соңғы күнтiзбелiк күнiнiң соңындағы жағдай бойынша өз активтерi есебiнен жасалған "кері РЕПО" және "РЕПО" операциялары туралы есеп;

5) осы Ереженiң 5-қосымшасына сәйкес есептi кезеңнiң соңғы күнтiзбелiк күнiнiң соңындағы жағдай бойынша өз активтерi есебiнен орналастырылған екiншi деңгейдегi банктердегi салымдар туралы есеп;