"Қазақстан Республикасының қорғанысы және Қарулы Күштерi туралы" Қазақстан Республикасының 2005 жылғы 7 қаңтардағы Заңына сәйкес Қазақстан Республикасының Үкiметi ҚАУЛЫ ЕТЕДІ: 

1. Қоса берiлiп отырған мыналар бекiтiлсiн: 

1) Қазақстан Республикасы Қарулы Күштерінің, басқа да әскерлерi мен әскери құралымдарының әскери қызметшiлерiн, әскери бөлiмдерi мен мекемелерiн бейбiт уақытқа арналған заттай мүлiкпен жабдықтау нормалары; 

2) Қазақстан Республикасының Қарулы Күштерiн, басқа да әскерлерi мен әскери құралымдарын бейбiт уақытқа арналған ветеринарлық мүлiкпен жабдықтау нормалары; 

3) құпия; 

4) құпия; 

5) құпия; 

6) құпия.

1-тармақ өзгертілді ҚР Үкіметінің 19.11.2012 № 1456 Қаулысымен (28.05.2012 жылғы редакцияны қараңыз).(құпия)

2. Тиiстi мемлекеттiк органдар тиiстi жылға арналған республикалық бюджеттен бөлiнген қаражат шегiнде материалдық запастар мен мүлiктi сатып алуды кезең-кезеңмен жүзеге асырсын.

3. Мыналардың күшi жойылды деп танылсын: 

1) "Тылдық қамтамасыз ету түрлерi бойынша нормаларды бекіту туралы" Қазақстан Республикасы Үкiметiнiң 2000 жылғы 19 мамырдағы N 762  қаулысының (Қазақстан Республикасының ПҮКЖ-ы, 2000 ж., N 23, 265-құжат) 1-тармағының 1), 3) және 4) тармақшалары; 

2) "Қазақстан Республикасы Үкiметiнiң 2000 жылғы 19 мамырдағы N 762 қаулысына толықтыру енгiзу туралы" Қазақстан Республикасы Үкiметiнiң 2004 жылғы 23 шiлдедегi N 788  қаулысы (Қазақстан Республикасының ПҮКЖ-ы, 2004 ж., N 28, 369-құжат).

4. Осы қаулы қол қойылған күнінен бастап қолданысқа енгізіледі.

Қазақстан Республикасының 

Премьер-Министрі