"Білім туралы" Қазақстан Республикасының 2007 жылғы 27 шілдедегі Заңының 4-бабының 25) тармақшасын іске асыру мақсатында Қазақстан Республикасының Үкіметі ҚАУЛЫ ЕТЕДІ:
Внимание! Документ утратил силу с 27.12.2018
Орта білімнен кейінгі білімнің білім беру бағдарламаларын іске асыратын білім беру ұйымдарына оқуға қабылдаудың үлгі қағидаларын бекіту туралы Қазақстан Республикасы Үкіметінің 2012 жылғы 30 қаңтардағы № 174 Қаулысы
Осы Қаулының тақырыбы жаңа редакцияда жазылды ҚР Үкіметінің 12.05.2016 жылғы № 288 Қаулысына сәйкес (30.01.2012 ж. редакцияны қараңыз) (алғашқы ресми жарияланғаннан кейін күнтізбелік 10 (он) күн өткен соң қолданысқа енгізілуі тиіс) 19.05.2016 жылы № 94 (28822) „Егемен Қазақстан„ Республикалық газетінде жарияланды Осы Қаулы күшін жойды ҚР Үкіметінің 27.12.2018 жылғы № 895 Қаулысына сәйкес
Редакция 12.05.2016 жылы берілген өзгерістер мен толықтырулармен
1. Қоса беріліп отырған Орта білімнен кейінгі білімнің білім беру бағдарламаларын іске асыратын білім беру ұйымдарына оқуға қабылдаудың үлгі қағидалары бекітілсін.
1-тармақ жаңа редакцияда жазылды ҚР Үкіметінің 12.05.2016 жылғы № 288 Қаулысына сәйкес (30.01.2012 ж. редакцияны қараңыз) (алғашқы ресми жарияланғаннан кейін күнтізбелік 10 (он) күн өткен соң қолданысқа енгізілуі тиіс) 19.05.2016 жылы № 94 (28822) „Егемен Қазақстан„ Республикалық газетінде жарияланды
2. Осы қаулы алғашқы ресми жарияланған күнінен бастап күнтізбелік он күн өткен соң қолданысқа енгізіледі.
Қазақстан Республикасының
Премьер-Министрі К. Мәсімов
Қазақстан Республикасы Үкіметінің 2012 жылғы 30 қаңтардағы № 174 қаулысымен бекітілген
Орта білімнен кейінгі білімнің білім беру бағдарламаларын іске асыратын білім беру ұйымдарына оқуға қабылдаудың үлгі қағидалары
Қағидалардың тақырыбы жаңа редакцияда жазылды ҚР Үкіметінің 12.05.2016 жылғы № 288 Қаулысына сәйкес (30.01.2012 ж. редакцияны қараңыз) (алғашқы ресми жарияланғаннан кейін күнтізбелік 10 (он) күн өткен соң қолданысқа енгізілуі тиіс) 19.05.2016 жылы № 94 (28822) „Егемен Қазақстан„ Республикалық газетінде жарияланды
1. Жалпы ережелер
1. Осы Орта білімнен кейінгі білімнің білім беру бағдарламаларын іске асыратын білім беру ұйымдарына оқуға қабылдаудың үлгі қағидалары (бұдан әрі – Қағидалар) «Білім туралы» 2007 жылғы 27 шілдедегі Қазақстан Республикасының Заңына (бұдан әрі – Заң) сәйкес орта білімнен кейінгі білімнің білім беру бағдарламаларын іске асыратын білім беру ұйымдарына (бұдан әрі – білім беру ұйымдары) оқуға қабылдау тәртібін белгілейді.
1-тармақ жаңа редакцияда жазылды ҚР Үкіметінің 12.05.2016 жылғы № 288 Қаулысына сәйкес (30.01.2012 ж. редакцияны қараңыз) (алғашқы ресми жарияланғаннан кейін күнтізбелік 10 (он) күн өткен соң қолданысқа енгізілуі тиіс) 19.05.2016 жылы № 94 (28822) „Егемен Қазақстан„ Республикалық газетінде жарияланды
2. Білім беру ұйымдарына жалпы орта (орта жалпы), техникалық және кәсіптік (кәсіптік бастауыш және кәсіптік орта), орта білімнен кейінгі, жоғары (кәсіптік жоғары) білімі бар Қазақстан Республикасының азаматтары, шетелдік азаматтар және азаматтығы жоқ тұлғалар қабылданады.
3. Білім беру ұйымдарына оқуға түсу кезінде Заңның 26-бабының 8-тармағымен анықталған тұлғаларды қабылдауға квота көзделеді.
2. Орта білімнен кейінгі білімнің білім беру бағдарламаларын іске асыратын білім беру ұйымдарына оқуға қабылдау тәртібі
2-бөлімнің тақырыбы жаңа редакцияда жазылды ҚР Үкіметінің 12.05.2016 жылғы № 288 Қаулысына сәйкес (30.01.2012 ж. редакцияны қараңыз) (алғашқы ресми жарияланғаннан кейін күнтізбелік 10 (он) күн өткен соң қолданысқа енгізілуі тиіс) 19.05.2016 жылы № 94 (28822) „Егемен Қазақстан„ Республикалық газетінде жарияланды
4. Білім беру ұйымдарында оқуға тұлғалардың өтініштерін қабылдау, түсу емтихандарын өткізу және білім алушылар құрамына қабылдау үшін білім беру ұйымдарының басшылары жұмысын 1 маусымнан кешіктірмей бастайтын қабылдау комиссиясын құрады.
Қабылдау комиссиясының құрамына комиссия төрағасы, жауапты хатшы және комиссия мүшелері кіреді.
5. Білім беру ұйымдарының қабылдау комиссияларының өңірлерге барып тұлғаларды оқуға қабылдау жұмысын ұйымдастыру мәселелері тиісті саланың уәкілетті органының келісімі бойынша шешіледі.
6. Қабылдау комиссиялары қабылдау нәтижесі туралы ақпаратты оқудың күндізгі нысаны бойынша 30 тамызға дейін, сырттай және кешкі оқу нысаны бойынша 30 қыркүйекке дейін ақпараттық стендтерге немесе білім беру ұйымының интернет ресурстарына жариялау арқылы оқуға түсушілердің назарына жеткізеді.
7. Білім беру ұйымдарында оқуға тұлғалардың өтініштерін қабылдау оқудың күндізгі нысанына 20 маусым мен 20 тамыз аралығында, оқудың кешкі және сырттай нысанына 20 маусым мен 20 қыркүйек аралығында жүзеге асырылады. Оқудың күндізгі нысанына түсу емтихандары 1 тамыз бен 28 тамыз аралығында, оқудың кешкі және сырттай нысанына 1 тамыз бен 25 қыркүйек аралығында өткізіледі.
8. Оқуға түсушілер білім беру ұйымдарына оқуға қабылдау туралы өтінішіне білімі туралы құжаттың түпнұсқасын, № 086-У нысаны бойынша медициналық анықтаманы флюрография суреті (I және II топтағы мүгедектер мен бала жасынан мүгедектер үшін медициналық-әлеуметтік сараптама қорытындысы) мен 3x4 көлемдегі 4 фотосуретті қоса береді.
Оқуға түсушінің жеке басын куәландыратын құжаттарды жеке, ата-аналары немесе заңды тұлғалары ұсынады.
Шетелдіктер және азаматтығы жоқ тұлғалар мәртебесін анықтайтын, тұрғылықты жерге тіркелгендігі туралы белгісі бар құжатты ұсынады:
1) шетелдік - шетелдіктің Қазақстан Республикасында тұруға ықтиярхаты;
2) азаматтығы жоқ тұлға - азаматтығы жоқ тұлғаның куәлігі;
3) босқын — босқынның куәлігі;
4) паналатуды іздеуші тұлға - паналатуды іздеуші тұлғаның куәлігі;
5) оралман — оралман куәлігі.
Оқуға түсушілерден түскен өтініштер білім беру ұйымының тіркеу журналдарына оқытудың нысандары бойынша тіркеледі.
Кешенді тестілеу (жоғары оқу орындарына түсу үшін ағымдағы жылы кешенді тестілеуге қатысқан өткен жылдар түлектері) сертификатынКешенді тестілеу (жоғары оқу орындарына түсу үшін ағымдағы жылы кешенді тестілеуге қатысқан өткен жылдар түлектері) сертификатынКешенді тестілеу (жоғары оқу орындарына түсу үшін ағымдағы жылы кешенді тестілеуге қатысқан өткен жылдар түлектері) сертификатын немесе ҰБТ нәтижелері туралы сертификатын тапсырған (ағымдағы жылы ұлттық бірыңғай тестілеуге қатысқан бітірушілер) тұлғалар түсу емтихандарынан босатылады және осы Қағидалардың 14-тармағында көрсетілген шарттарға сәйкес конкурсқа жіберіледі.
9. Түсу емтихандары:
1) жалпы орта білімі бар оқуға түсушілер үшін үш пән бойынша (қазақ немесе орыс тілі, Қазақстан тарихы және мамандық бейіні бойынша пән) өткізіледі;
2) мамандық бейініне сәйкес келмейтін техникалық және кәсіптік, орта білімнен кейінгі, жоғары білімі бар тұлғалар үшін мамандық бейіні бойынша пәннен өткізіледі;
3) мамандық бейініне сәйкес келетін техникалық және кәсіптік, орта білімнен кейінгі, жоғары білімі бар оқуға түсушілер үшін әңгімелесу түрінде өткізіледі.
Орта білімнен кейінгі білім беру мамандықтарының бейіні бойынша жалпы білім беру пәндерінің тізбесі осы Қағидаларға қосымшаға сәйкес айқындалады.
10. Жалпы орта білімі бар тұлғалар, сондай-ақ техникалық және кәсіптік, орта білімнен кейінгі, жоғары білімі бар тұлғалар үшін мәндес мамандықтар бойынша қысқартылған мерзіммен оқуға түсу кезінде түсу емтихандарының нысандарын - тестілеуді немесе пәндер бойынша емтихандарды білім беру ұйымы белгілейді.
Білім беру ұйымдарына түсу емтихандары түсушілердің өтінішіне сәйкес қазақ немесе орыс тілдерінде өткізіледі.
11. Түсу емтихандарын өткізу кезінде:
1) тестілеу нысанында әрбір пән бойынша тестілеу тапсырмаларының (сұрақтарының) саны - 25; әрбір тест тапсырмасының дұрыс жауабы 1 балмен бағаланады; үш пән бойынша тестілеуге - 2 сағат 15 минут, ал екі пән бойынша - 1 сағат 30 минут беріледі; дұрыс жауаптар коды тестілеу аяқталғаннан кейін дереу ілінеді; тестілеу нәтижелері ол өткізілген күні хабарланады;
2) пәндер бойынша емтихандар нысанында түсу емтихандарының нәтижелері бойынша алынған "3", "4", "5" бағаларын қабылдау комиссиясы мынадай шәкіл бойынша: "3" - 8 балға, "4" - 17 балға, "5" - 25 балға алмастырады.
12. Бірыңғай талаптардың сақталуын қамтамасыз ету және тест тапсырмаларын (сұрақтарын) бағалау және пәндер емтихандары кезіндегі даулы мәселелерді шешу, түсушілердің құқығын қорғау мақсатында білім беру ұйымында апелляциялық комиссия құрылады.
Апелляциялық комиссия құрамына апелляция комиссиясының төрағасы, хатшысы және мүшелері кіреді.
Тестілеу немесе пәндер бойынша түсу емтихандарының нәтижелерімен келіспеген тұлғаның шағым білдіруіне болады.
Апелляцияға өтініш емтихандардың нәтижелері немесе түсу емтихандары хабарланғаннан кейін қабылдау комиссиясына келесі күнгі сағат 13-ке дейін беріледі және бір күн ішінде өтініш берушінің қатысуымен аппеляциялық комиссияда қаралады.
Апелляциялық комиссия шешімі комиссия құрамы тізіміндегі тұлғалардың көпшілік даусымен қабылданады. Дауыс тең болған жағдайда комиссия төрағасы шешуші дауыс беруге құқылы. Комиссия жұмысы төрағаның және барлық комиссия мүшелерінің қолдары қойылған хаттамамен ресімделеді.
13. Тестілеуді немесе пәндер бойынша түсу емтихаңдарын қайта тапсыруға рұқсат етілмейді.
3. Білім алушылар құрамына қабылдау
14. Білім беру ұйымдарына білім алуға адамдарды қабылдау олардың өтініштері бойынша конкурстық негізде жүзеге асырылады. Конкурстың шарттары білім алу құқықтарының сақталуына кепілдік беруге және неғұрлым қабілетті және орта білімнен кейінгі білімнің білім беру бағдарламаларын меңгеруге даярлығы бар адамдарды қабылдауды қамтамасыз етуге тиіс.
14-тармақтың бірінші бөлігі жаңа редакцияда жазылды ҚР Үкіметінің 12.05.2016 жылғы № 288 Қаулысына сәйкес (30.01.2012 ж. редакцияны қараңыз) (алғашқы ресми жарияланғаннан кейін күнтізбелік 10 (он) күн өткен соң қолданысқа енгізілуі тиіс) 19.05.2016 жылы № 94 (28822) „Егемен Қазақстан„ Республикалық газетінде жарияланды
Конкурс: ҰБТ сертификаттарының балдары негізінде, Қазақстан Республикасының жоғары оқу орындарына түсу үшін кешенді тестілеу нысанында өткізілген түсу емтихандарының нәтижелері бойынша берілген сертификаттар балдары негізінде, пәндер бойынша немесе білім беру ұйымдары жүргізген тестілеу нысанындағы түсу емтихаңдарының нәтижелері бойынша алынған балдар (бағалар) негізінде өткізіледі. Қабылдау конкурсын өткізу кезінде ҰБТ немесе кешенді тестілеу сертификаттарында көрсетілген үш пәннің балдарының жиынтығы есептеледі.
Білім алушылар құрамына қабылдау конкурсына қатысуға: жалпы орта білімі барлар үшін үш пәннен 30 балдан кем, білім, құқық, экономика, медицина және фармацевтика мамандықтары бойынша 35 балдан кем, оның ішінде бейінді пәннен 17 балдан кем жинаған тұлғалар жіберілмейді.
Білім беру ұйымдарына қабылдау:
1) оқудың күндізгі нысанына 25 тамыз бен 30 тамыз аралығында;
2) оқудың кешкі және сырттай нысанына 15 қыркүйек пен 30 қыркүйек аралығында жүзеге асырылады.
15. Білім беру ұйымдарына қабылдау комиссиясының ашық отырыстарында мамандықтар, оқыту тілі бойынша бөлек жүргізіледі.
Орта білімнен кейінгі білімнің білім беру бағдарламаларын іске асыратын білім беру ұйымдарына оқуға қабылдаудың үлгі қағидаларына қосымша
Қосымшаның оң жақ жоғары бұрышы жаңа редакцияда жазылды ҚР Үкіметінің 12.05.2016 жылғы № 288 Қаулысына сәйкес (30.01.2012 ж. редакцияны қараңыз) (алғашқы ресми жарияланғаннан кейін күнтізбелік 10 (он) күн өткен соң қолданысқа енгізілуі тиіс) 19.05.2016 жылы № 94 (28822) „Егемен Қазақстан„ Республикалық газетінде жарияланды
Орта білімнен кейінгі білім беру мамандықтарының бейіні бойынша жалпы білім беру пәндерінің тізбесі
| Орта білімнен кейінгі білім беру мамандығының коды | Мамандықтың атауы | Жалпы орта білім негізінде бейінді пән атауы |
| 0100000 - Білім беру | ||
| 0103000 | Дене тәрбиесі және спорт | 1 шығармашылық емтихан |
| 0104000 | Кәсіптік білім беру (салалар бойынша) | Математика |
| 0105000 | Бастауыш білім беру* | Математика |
| 0106000 | Бейнелеу өнері және сызу | 1 шығармашылық емтихан |
| 0107000 | Технология | 1 шығармашылық емтихан |
| 0108000 | Музыкалық білім беру | 1 шығармашылық емтихан |
| 0110000 | Білім ұйымдарындағы лаборант | Биология |
| 0200000 - Құқық | ||
| 0201000 | Құқықтану | Дүниежүзі тарихы |
| 0202000 | Құқық қорғау қызметі | Дүниежүзі тарихы |
| 0300000 - Медицина, фармацевтика | ||
| 0301000 | Емдеу ісі | Биология |
| 0302000 | Медбикелік іс | Биология |
| 0303000 | Гигиена және эпидемиология | Биология |
| 0304000 | Стоматология | Биология |
| 0305000 | Зертханалық диагностика | Биология |
| 0306000 | Фармация | Химия |
| 0307000 | Ортопедиялық стомотология | Биология |
| 0308000 | Медициналық оптика | Биология |
| 0500000 - Қызмет көрсету, экономика және басқару | ||
| 0501000 | Әлеуметтік жұмыс | Дүние жүзі тарихы |
| 0507000 | Қонақ үй шаруашылығына қызмет көрсетуді ұйымдастыру | Математика |
| 0512000 | Аудармашы ісі (түрлері бойынша) | Шетел тілі |
| 0513000 | Маркетинг (салалар бойынша) | Математика |
| 0514000 | Бағалау (қолданылу салалары және аясы бойынша) | Математика |
| 0515000 | Менеджмент (қолданылу салалары және аясы бойынша) | Математика |
| 0516000 | Қаржы (салалар бойынша) | Математика |
| 0517013 | Статистика | Математика |
| 0518000 | Есеп және аудит (салалар бойынша) | Математика |
| 0519000 | Экономика (салалар бойынша) | Математика |
| 1300000 - Байланыс, телекоммуникация және ақпараттық технология Электрондық техника | ||
| 1305000 | Ақпараттық жүйелер (қолданылу саласы бойынша) | Математика |
| 1500000 - Ауыл шаруашылығы, ветеринария және экология | ||
| 1513000 | Ветеринария | Биология |
Ескертпе*: бейіндік пәннің атауын білім беру ұйымы берілетін мамандық бойынша біліктілігіне байланысты айқындайды.
Полная версия