Қазақстан Республикасы Конституциясының 44-бабының 20) тармақшасына сәйкес қаулы етемін:

1. Қазақстан Республикасы Президентінің жанынан Сыбайлас жемқорлыққа қарсы іс-қимыл мәселелері жөніндегі комиссия құрылсын.

1-тармақ өзгертілді ҚР Президентінің 09.06.2016 жылғы № 275 Жарлығымен (29.12.2015 ж. редакцияны қараңыз)

2. Қоса беріліп отырған:

1) Қазақстан Республикасы Президентінің жанындағы Сыбайлас жемқорлыққа қарсы іс-қимыл мәселелері жөніндегі комиссия туралы ереже;

1-тармақша өзгертілді ҚР Президентінің 09.06.2016 жылғы № 275 Жарлығымен (29.12.2015 ж. редакцияны қараңыз)

2) Алынып тасталды (ескертуді қараңыз)

алынып тасталды ҚР Президентінің 13.03.2012 № 284 Жарлығымен. (26.07.2011 жылғы редакцияны қараңыз)

3. Осы Жарлық қол қойылған күнінен бастап күшіне енеді.

Қазақстан Республикасының 

Президенті

1. Қазақстан Республикасы Президентінің жанындағы Сыбайлас жемқорлыққа қарсы іс-қимыл мәселелері жөніндегі комиссия (бұдан әрі - Комиссия) Мемлекет басшысы жанындағы консультативтік-кеңесші орган болып табылады.

2. Комиссияның міндеттері сыбайлас жемқорлыққа және мемлекеттік қызметшілердің қызмет этикасын бұзушылығына қарсы іс-қимылды күшейтуге, мемлекеттік қызметшілердің жауапкершілік деңгейін арттыруға бағытталған келісілген шараларды талдап-жасау мен қабылдау болып табылады.

3. Комиссия өз қызметінде Қазақстан Республикасының Конституциясын, заңдарын, Мемлекет басшысының актілері мен тапсырмаларын, сондай-ақ осы Ережені басшылыққа алады.

4. Комиссия төрағадан, хатшыдан және Комиссияның өзге де мүшелерінен тұрады. Комиссияны Қазақстан Республикасының Мемлекеттік кеңесшісі басқарады. Қазақстан Республикасы Президенті Әкімшілігінің Құқық қорғау жүйесі бөлімінің меңгерушісі Комиссияның хатшысы болып табылады.

4-тармақ жаңа редакцияда ҚР Президентінің 13.03.2012 № 284 Жарлығымен. (26.07.2011 жылғы редакцияны қараңыз)
4-тармақ өзгертілді ҚР Президентінің 29.08.2014 жылғы № 900 Жарлығымен (13.03.2012 ж. редакцияны қараңыз)
4-тармақ өзгертілді ҚР Президентінің 29.12.2015 жылғы № 158 Жарлығымен (29.08.2014 ж. редакцияны қараңыз)
4-тармақ өзгертілді ҚР Президентінің 10.10.2016 жылғы № 357 Жарлығымен (09.06.2016 ж. редакцияны қараңыз)
4-тармақ өзгертілді ҚР Президентінің 17.04.2019 жылғы № 26 Жарлығымен (04.08.2018 жылғы редакцияны қараңыз)
4-тармақ өзгертілді ҚР Президентінің 22.07.2019 жылғы № 74 Жарлығымен (17.04.2019 ж. редакцияны қараңыз)
4-тармақ өзгертілді ҚР Президентінің 20.02.2021 жылғы № 515 Жарлығымен (28.10.2019 ж. редакцияны қараңыз)
4-тармақ өзгертілді ҚР Президентінің 01.07.2022 жылғы № 952 Жарлығымен (20.02.2021 ж. редакцияны қараңыз)
4-тармақ жаңа редакцияда жазылды ҚР Президентінің 26.11.2022 жылғы № 5 Жарлығына сәйкес (01.07.2022 ж. редакцияны қараңыз)
4-тармақ жаңа редакцияда жазылды ҚР Президентінің 03.01.2024 жылғы № 429 Жарлығына сәйкес (26.11.2022 ж. редакцияны қараңыз)(өзгерту 09.01.2024 жылдан бастап қолданысқа енгізіледі)

Комиссияның құрамына лауазымы бойынша Қазақстан Республикасы Қауісіздік Кеңесінің Хатшысы, Қазақстан Республикасы Президентінің құқықтық және экономикалық мәселелер жөніндегі көмекшілері, Қазақстан Республикасының Бас Прокуроры, Қазақстан Республикасы Ұлттық қауіпсіздік комитетінің Төрағасы, Қазақстан Республикасы Жоғары аудиторлық палатасының төрағасы, Қазақстан Республикасы Сыбайлас жемқорлыққа қарсы іс-қимыл агенттігінің (Сыбайлас жемқорлыққа қарсы қызметтің) төрағасы, Қазақстан Республикасы Қаржылық мониторинг агенттігінің төрағасы, Қазақстан Республикасы Мемлекеттік қызмет істері агенттігінің төрағасы, Қазақстан Республикасының Ішкі істер министрі, Қазақстан Республикасының Әділет министрі, Қазақстан Республикасының Қаржы министрі, келісу бойынша – Қазақстан Республикасы Парламенті Сенатының Конституциялық заңнама, сот жүйесі және құқық қорғау органдары, Қазақстан Республикасы Парламенті Мәжілісінің Заңнама және сот-құқықтық реформа комитеттерінің төрағалары, Қазақстан кәсіпкерлерінің құқықтарын қорғау жөніндегі уәкіл кіреді.

5. Алынып тасталды (ескертуді қараңыз)

Алып тасталды ҚР Президентінің 13.03.2012 № 284 Жарлығымен. (26.07.2011 жылғы редакцияны қараңыз)

6. Комиссия мынадай функцияларды жүзеге асырады:

1) сыбайлас жемқорлыққа қарсы іс-қимыл мәселелері, соның ішінде сыбайлас жемқорлыққа қарсы заңнаманы, сыбайлас жемқорлыққа қарсы іс-қимылдың нысандары мен әдістерін жетілдіру жөніндегі ұсыныстарды тұжырымдап, Мемлекет басшысына енгізу;

2) сыбайлас жемқорлыққа қарсы іс-қимылдың жай-күйіне, мемлекеттік қызметшілердің қызмет этикасын бұзушылықтарына мониторинг жүргізу мен талдау жасау;

3) жауапты мемлекеттік лауазымдарды атқаратын адамдар жол берген сыбайлас жемқорлық құқық бұзушылық фактілері, мемлекеттік қызметшілердің этиканы бұзушылығы туралы азаматтар мен заңды тұлғалардың арыз-өтініштерін, сондай-ақ бұқаралық ақпарат құралдарындағы жарияланымдарды қарау және оларға тәртіптік жазалар қолдануға уәкілеттік берілген адамдарға қызметтік тексеру жүргізу туралы ұсынымдар дайындау.

7. Комиссия өз құзыреті шегінде:

1) орталық және жергілікті органдардан қылмыстық істерді және жедел-іздестіру материалдарын қоспағанда, өзіне жүктелген міндеттерді орындауға қажетті ақпаратты, құжаттар мен материалдарды сұратуға;

2) мемлекеттік органдардың лауазымды тұлғаларынан, сондай-ақ мемлекеттік функцияларды орындауға уәкілеттік берілген тұлғалардың немесе оларға теңестірілген тұлғалардың жазбаша түсініктемелерін тыңдауға және олардан ауызша түсініктемелер алуға;

3) құқық қорғау және басқа да мемлекеттік органдарға қызмет этикасын бұзу және сыбайлас жемқорлық құқық бұзушылығы фактілері бойынша тексеру жүргізу және заңнамада көзделген басқа да шараларды қабылдау үшін материалдарды жолдауға;

4) өз отырыстарында құқық қорғау және басқа да мемлекеттік органдар басшыларының сыбайлас жемқорлыққа қарсы заңнаманың орындалуы мәселелері жөніндегі ақпаратын тыңдауға;

5) тиісті органдар мен мемлекеттік ұйымдарға «Сыбайлас жемқорлыққа қарсы іс-қимыл туралы» Қазақстан Республикасының Заңын орындауды қамтамасыз етпеген, сыбайлас жемқорлық құқық бұзушылығын жасаған, сондай-ақ қызмет этикасы ережелерін бұзушылыққа жол берген лауазымды тұлғалардың тәртіптік жауаптылығы туралы, тіпті оларды атқаратын қызметінен босатуға шейін, ұсыныстар енгізуге;

5-тармақша жаңа редакцияда жазылды ҚР Президентінің 09.06.2016 жылғы № 275 Жарлығына сәйкес (29.12.2015 ж. редакцияны қараңыз)

6) Алынып тасталды (ескертуді қараңыз)

алынып тасталды ҚР Президентінің 27.02.2003 № 1032 Жарлығымен; (24.09.2002 жылғы редакцияны қараңыз)

7) Қазақстан Республикасының Президентіне қаралатын мәселелер бойынша тапсырмалар беру, Республика Президентінің тиісті актілерін шығару туралы, сондай-ақ сыбайлас жемқорлыққа қарсы іс-қимыл жөніндегі жұмыстың тиісті деңгейін қамтамасыз етпеген, Қазақстан Республикасының Президенті тағайындайтын облыстардың, республикалық маңызы бар қалалардың, астананың әкімдерін, мемлекеттік органдардың басшыларын атқаратын қызметінен босатуға дейін тәртіптік жауапкершілікке тарту туралы ұсыныстар енгізуге құқылы.

7-тармақ өзгертілді ҚР Президентінің 27.02.2003 № 1032, 18.02.2011 № 1157 Жарлықтарымен. (24.09.2002 жылғы редакцияны қараңыз)
7-тармақша жаңа редакцияда жазылды ҚР Президентінің 04.08.2018 жылғы № 723 Жарлығына сәйкес (20.10.2017 ж. редакцияны қараңыз)

8. Комиссияның отырыстары қажетіне қарай тоқсанында кемінде бір рет өткізіледі, олар Комиссия төрағасының шешімі бойынша ашық немесе жабық болуы мүмкін.

9. Комиссияның отырыстары Комиссия мүшелерінің жалпы санының үштен екісі болғанда құқылы. Комиссия мүшелері оның отырыстарына алмастыру құқығынсыз қатысады.

10. Комиссия шешімдері отырысқа қатысушылардың жалпы санының көпшілік даусымен қабылданады. Дауыстар тең болған жағдайда төрағаның дауысы шешуші болып табылады.

11. Комиссияның отырыстарына Комиссияның мүшелері болып табылмайтын лауазымды адамдар, сондай-ақ өзге де адамдар шақырылуы мүмкін.

11-тармақ жаңа редакцияда жазылды ҚР Президентінің 03.01.2024 жылғы № 429 Жарлығына сәйкес (26.11.2022 ж. редакцияны қараңыз)(өзгерту 09.01.2024 жылдан бастап қолданысқа енгізіледі)

11-1. Комиссия отырысында тыңдалатын мемлекеттік органның қызметі саласында заңнаманың бұзылу фактілері келтірілген жағдайда, Комиссия мүшелері болып табылатын немесе Комиссия отырысында шақырылған, мемлекеттік бақылау және қадағалау органдарының басшылары орын алған бұзушылық фактілері бойынша өз құзыреті шегінде мемлекеттік органның ұстанымын білдіреді.

Аталған мемлекеттік бақылау және қадағалау органдарының басшылары осындай бұзушылық фактілері бойынша тиісті шаралар қабылдау туралы ұсыныстар айтуға құқылы.

Ереже 11-1-тармақпен толықтырылды ҚР Президентінің 18.02.2011 № 1157 Жарлығымен.

12. Комиссия төрағасы: 

1) Комиссия қызметіне басшылық жасайды; 

2) оның отырыстарында төрағалық етеді; 

13. Тармақ алып тасталды (ескертуді қараңыз)

13-тармақ алынып тасталды ҚР Президентінің 03.01.2024 жылғы № 429 Жарлығына сәйкес (26.11.2022 ж. редакцияны қараңыз)(өзгерту 09.01.2024 жылдан бастап қолданысқа енгізіледі)

14. Комиссия хатшысы:

1) Комиссия мүшелерін Комиссия отырысының уақыты мен орны туралы хабардар етеді;

2) Комиссия отырыстарына материалдар дайындауды ұйымдастырады;

3) Комиссия отырыстарының хаттамасын жүргізеді;

4) Комиссия шешімдерінің орындалуын ұйымдастырады әрі бақылау жасайды;

16. Қазақстан Республикасы Президенті Әкімшілігінің Құқық қорғау жүйесі бөлімі Комиссияның жұмыс органы болып табылады.

16-тармақ жаңа редакцияда ҚР Президентінің 24.09.2002 № 951, өзгертілді - 15.12.2004 № 1504, 30.11.2005 № 1679, 24.04.2008 № 576 Жарлықтарымен. (02.04.2002 жылғы редакцияны қараңыз)
16-тармақ жаңа редакцияда жазылды ҚР Президентінің 17.04.2019 жылғы № 26 Жарлығына сәйкес (04.08.2018 жылғы редакцияны қараңыз)
16-тармақ жаңа редакцияда жазылды ҚР Президентінің 03.01.2024 жылғы № 429 Жарлығына сәйкес (26.11.2022 ж. редакцияны қараңыз)(өзгерту 09.01.2024 жылдан бастап қолданысқа енгізіледі)

Қазақстан Республикасының Мемлекеттік кеңесшісі, Комиссия төрағасы

Қазақстан Республикасы Президенті Әкімшілігінің Құқық қорғау жүйесі бөлімінің меңгерушісі, Комиссия хатшысы

Қазақстан Республикасы Қауіпсіздік Кеңесінің Хатшысы

Қазақстан Республикасы Премьер-Министрінің орынбасары – Қазақстан Республикасының Қаржы министрі

Қазақстан Республикасының Бас Прокуроры

Қазақстан Республикасы Ұлттық қауіпсіздік комитетінің Төрағасы

Қазақстан Республикасы Жоғары аудиторлық палатасының төрағасы

Қазақстан Республикасы Президентінің құқықтық мәселелер жөніндегі көмекшісі

Қазақстан Республикасы Президентінің экономикалық мәселелер жөніндегі көмекшісі

Қазақстан Республикасының Сыбайлас жемқорлыққа қарсы іс-қимыл агенттігінің (Сыбайлас жемқорлыққа қарсы қызметтің) төрағасы

Қазақстан Республикасы Мемлекеттік қызмет істері агенттігінің төрағасы

Қазақстан Республикасының Ішкі істер министрі

Қазақстан Республикасының Әділет министрі

Қазақстан Республикасы Парламенті Сенатының Конституциялық заңнама, сот жүйесі және құқық қорғау органдары комитетінің төрағасы (келісім бойынша)

Қазақстан Республикасы Парламенті Мәжілісінің Заңнама және сот-құқықтық реформа комитетінің төрағасы (келісім бойынша)

Қазақстан кәсіпкерлерінің құқықтарын қорғау жөніндегі уәкіл (келісім бойынша)