"2005-2007 жылдарға арналған Қазақстан Республикасында ғарыш қызметiн дамыту" мемлекеттiк бағдарламасын iске асыру жөнiндегi iс-шаралар жоспарын бекiту туралы" Қазақстан Республикасы Үкiметiнiң 2005 жылғы 14 сәуiрдегi N 352 қаулысына сәйкес Қазақстан Республикасының Yкiметi ҚАУЛЫ ЕТЕДІ: 

1. Қазақстан Республикасы Үкiметiнiң жанынан Ғарыш жөнiндегi кеңес (бұдан әрi - Кеңес) құрылсын.

2. Қоса берiлiп отырған: 

1) Кеңес туралы ереже; 

2) Кеңестiң құрамы бекiтiлсiн.

3. Осы қаулы қол қойылған күнiнен бастап қолданысқа енгiзiледi.

Қазақстан Республикасының Премьер-Министрі

1. Қазақстан Республикасының Үкiметi жанындағы Ғарыш жөнiндегi кеңес (бұдан әрi - Кеңес) Қазақстан Республикасының ұлттық және ақпараттық қауiпсiздiгiн, әлеуметтік-экономикалық және ғылыми-техникалық дамуын нығайту үшiн маңызды стратегиялық мәнi бар iрi ғарыштық бағдарламалар мен жобаларды iске асыруға бағытталған ұсыныстарды әзiрлеуге жауапты консультативтiк-кеңесшi орган болып табылады. Кеңестiң шешiмдерi ұсынымдық сипатта болады.

2. Кеңес өз қызметiнде Қазақстан Республикасының Конституциясын, «Ғарыш қызметі туралы» Қазақстан Республикасының Заңын, Қазақстан Республикасының Президентi мен Үкiметiнiң актілерін, Қазақстан Республикасының өзге де нормативтiк құқықтық актілері мен осы Ереженi басшылыққа алады.

2-тармақ өзгертілді ҚР Үкіметінің 05.08.2013 жылғы № 794 Қаулысымен (13.11.2012 ж. редакцияны қараңыз)

3. Кеңестің негiзгi мiндеттерi:

3-тармақ өзгертілді ҚР Үкіметінің 05.08.2013 жылғы № 794 Қаулысымен (13.11.2012 ж. редакцияны қараңыз)

1) Қазақстан Республикасында ғарыш қызметiн дамыту үшiн ғылым, бiлiм, өндiрiс пен қаржы-кредит саласын ықпалдастыруды қамтамасыз ету жөнiнде ұсыныстар әзiрлеу;

2) экологиялық қауiпсiздiк проблемаларын шешу, табиғи апаттар туралы ескерту және қысылтаяң жағдайларда құтқару үшiн ғарыш құралдарын пайдалану жөнiнде ұсыныстар әзiрлеу;

3) ғарыш қызметiн дамыту үшiн «Байқоңыр» кешенін, мемлекеттiк ресурстарды тиiмдi пайдалану және сыртқы инвестицияларды тарту жөнiнде ұсыныстар әзiрлеу;

4) Қазақстан Республикасының ғылыми-техникалық, әлеуметтiк-экономикалық прогресi мен ұлттық қауiпсiздiгi мүддесi үшін ғарыш саласындағы ғылым жетiстiктерiн және жаңа технологияларды пайдалану жөнiнде ұсыныстар әзiрлеу;

5) ғарыш қызметін жүзеге асыру кезінде Қазақстан Республикасының ұлттық мүдделерін сақтау, қорғанысы мен ұлттық қауіпсіздігін қамтамасыз ету жөнiнде ұсыныстар әзiрлеу;

6) ғарыш қызметін дамытудың басым бағыттарын қолдау жөнiнде ұсыныстар әзiрлеу болып табылады.

4. Кеңестiң функциялары:

4-тармақ өзгертілді ҚР Үкіметінің 05.08.2013 жылғы № 794 Қаулысымен (13.11.2012 ж. редакцияны қараңыз)

1) ғарыш қызметi саласында жұмыс iстейтiн қызметкерлердi әлеуметтiк қорғау және зияткерлiк меншiктi құқықтық қорғау жөнiнде ұсыныстар әзiрлеу;

2) ғарыш қызметi саласы үшiн кадрларды даярлау, қайта даярлау, олардың бiлiктiлiгiн арттыру жүйесiн құру және космонавтика жетiстiктерiн насихаттау жөнiнде ұсыныстар әзiрлеу;

3) Қазақстанның қорғаныс кешенiн конверсиялау және оның ғылыми және материалдық-техникалық әлеуетiн ғарыштық аспап құрастыруда тиiмдi пайдалану жөнiнде ұсынымдар әзiрлеу;

4) ғарыш саласындағы халықаралық ғылыми-техникалық ынтымақтастықтың неғұрлым перспективалы және тиiмдi бағыттары бойынша ұсынымдар әзiрлеу;

5) «Байқоңыр» кешенінің жұмыс істеуі жөнінде ұсыныстар әзірлеу;

6) әлеуетті құрылымдарды қоса алғанда, Қазақстан Республикасы мемлекеттік органдарының ғарыш жүйелерін құру және қолдану бойынша өзара іс-қимыл жасауының тетіктерін әзірлеу;

7) ғарыш жүйелеріне қойылатын негізгі талаптарды айқындау жөнінде ұсыныстар әзірлеу;

8) ғарыш технологияларын енгізу және ғарыш аппараттарын оңтайлы жүктеу жөнінде шаралар әзірлеу.

5. Кеңестiң: 

ғарыш қызметi саласында iрi бағдарламалар мен жобаларды iске асыру барысын тыңдауға; 

Қазақстан Республикасының Үкiметiне ғарыш қызметiн дамыту мәселелерi бойынша ұсыныстар енгiзуге; 

мемлекеттiк органдардан қажеттi материалдар мен құжаттарды сұратуға және алуға құқығы бар.

6. Кеңесті төраға - Қазақстан Республикасы Премьер-Министрінің бірінші орынбасары басқарады. Кеңестің құрамына Кеңес төрағасының орынбасары, Кеңес хатшысы және мүшелері кіреді.

6-тармақ өзгертілді ҚР Үкіметінің 05.08.2013 жылғы № 794 Қаулысымен (13.11.2012 ж. редакцияны қараңыз)
6-тармақ өзгертілді ҚР Үкіметінің 04.09.2014 жылғы № 970 Қаулысымен (09.04.2014 ж. редакцияны қараңыз)

7. Кеңестiң төрағасы Кеңес қызметiне жалпы басшылықты жүзеге асырады оның жұмысын жоспарлайды және қабылданатын шешiмдердiң сапасы мен тиiмдiлiгiн арттыруға бағытталған iс-шараларды айқындайды.

7-тармақ өзгертілді ҚР Үкіметінің 15.11.2007 жылғы № 1087 Қаулысымен (31.10.2005 ж. редакцияны қараңыз)
7-тармақ өзгертілді ҚР Үкіметінің 18.06.2010 жылғы № 615 Қаулысымен (04.09.2014 ж. редакцияны қараңыз)
7-тармақ өзгертілді ҚР Үкіметінің 05.08.2013 жылғы № 794 Қаулысымен (13.11.2012 ж. редакцияны қараңыз)
7-тармақ өзгертілді ҚР Үкіметінің 09.04.2014 жылғы № 329 Қаулысымен (05.08.2013 ж. редакцияны қараңыз)
7-тармақ өзгертілді ҚР Үкіметінің 04.09.2014 жылғы № 970 Қаулысымен (09.04.2014 ж. редакцияны қараңыз)

Төраға болмаған уақытта оның функцияларын орынбасары орындайды. 

Кеңестің құрамына Ішкі істер, Сыртқы істер, Ұлттық экономика, Қорғаныс, Инвестициялар және даму, Білім және ғылым, Ауыл шаруашылығы, Қаржы министрліктерінің бірінші басшылары, Әділет министрінің орынбасары, Ұлттық қауіпсіздік комитеті төрағасының ғарыш қызметі мәселелеріне жетекшілік ететін орынбасары (келісім бойынша), Инвестициялар және даму министрлігінің Аэроғарыш комитетінің төрағасы, сондай-ақ «Байқоңыр» кешеніндегі Қазақстан Республикасы Президентінің арнаулы өкілі (келісім бойынша) кіреді.

8. Кеңес отырысы өткізілгеннен кейін Кеңес хатшысы хаттама ресімдейді.

8-тармақ өзгертілді ҚР Үкіметінің 09.04.2014 жылғы № 329 Қаулысымен (05.08.2013 ж. редакцияны қараңыз)

9. Кеңестiң отырысы жылына кемiнде екi рет өткiзiледi. Кеңес құрамының 1/3 бөлiгi әрбiр екi жылда жаңартылып отырады.

9-тармақ өзгертілді ҚР Үкіметінің 09.04.2014 жылғы № 329 Қаулысымен (05.08.2013 ж. редакцияны қараңыз)

Егер Кеңестің отырысына Кеңестің бекітілген тізімдік құрамының кемінде 2/3-і қатысса, ол заңды болады.

10. Қазақстан Республикасы Инвестициялар және даму министрлігінің Аэроғарыш комитеті Кеңестің жұмыс органы болып табылады.

10-тармақ өзгертілді ҚР Үкіметінің 15.11.2007 жылғы № 1087 Қаулысымен (31.10.2005 ж. редакцияны қараңыз)
10-тармақ өзгертілді ҚР Үкіметінің 09.04.2014 жылғы № 329 Қаулысымен (05.08.2013 ж. редакцияны қараңыз)
10-тармақ өзгертілді ҚР Үкіметінің 04.09.2014 жылғы № 970 Қаулысымен (09.04.2014 ж. редакцияны қараңыз)

Кеңестің жұмыс органы Кеңес жұмысын ұйымдастырушылық-техникалық қамтамасыз етуді жүзеге асырады, оның ішінде Кеңес отырысының күн тәртібі бойынша ұсыныстарды, қажетті құжаттарды, материалдарды дайындайды, олар Кеңес отырысы өткізілгенге дейін үш жұмыс күні қалғанда хаттама жобасымен қоса Кеңес мүшелеріне жіберілуге тиіс.

11. Кеңестің шешімдері ашық дауыс беру арқылы қабылданады және егер оларға қатысып отырған Кеңес мүшелерінің жалпы санының көпшілігі дауыс берсе, қабылданды деп есептеледі. Дауыс беру Кеңестің отырысында Қазақстан Республикасы Үкіметінің 1999 жылғы 16 наурыздағы № 247 қаулысымен бекітілген Қазақстан Республикасы Үкіметінің жанындағы консультациялық-кеңесші органдар мен жұмыс топтарын құру тәртібі, қызметі мен таратылуы туралы нұсқаулыққа (бұдан әрі – Нұсқаулық) сәйкес нысан бойынша дауыс беру парағын толтыру жолымен өткізіледі. Дауыстар тең болған жағдайда, төраға дауыс берген шешім қабылданды деп есептеледі.

Ереже 11-тармақпен толықтырылды ҚР Үкіметінің 09.04.2014 жылғы № 329 Қаулысына сәйкес

Кеңес мүшелерінің ерекше пікір білдіруге құқығы бар, оны білдірген жағдайда, ол жазбаша түрде жазылуы және Нұсқаулықтың 24-тармағында көзделген Кеңестің есеп-хатына қоса берілуі тиіс.

Кеңес отырыстарын өткізу нәтижелері бойынша және дауыс беру парақтарының негізінде үш жұмыс күні ішінде хаттама жасалады, оған төраға мен хатшы қол қояды.

Дауыс беру қорытындысы бойынша хаттама жобасының мазмұны өзгерген жағдайда, Кеңес хатшысы қабылданған шешімнің нақтыланған редакциясы бар дауыс беру парағын Кеңес мүшелеріне келісу үшін жібереді.

Кеңес мүшелері дауыс беру парағын алғаннан кейін бір жұмыс күні ішінде келісу не себептерін негіздей отырып, келіспеу туралы жауап береді.

12. Дауыс беру парақтарымен қоса, Кеңес материалдары мен хаттамалық шешімдерін есепке алуды және сақтауды Кеңестің жұмыс органы жүзеге асырады.

Ереже 12-тармақпен толықтырылды ҚР Үкіметінің 09.04.2014 жылғы № 329 Қаулысына сәйкес

Қазақстан Республикасы Премьер-Министрінің бірінші орынбасары, төраға

Қазақстан Республикасының Инвестициялар және даму министрі, төрағаның орынбасары

Қазақстан Республикасы Инвестициялар және даму министрлігінің Аэроғарыш комитеті төрағасының орынбасары, хатшы

Қазақстан Республикасының Ішкі істер министрі

Қазақстан Республикасының Сыртқы істер министрі

Қазақстан Республикасының Қорғаныс министрі

Қазақстан Республикасының Білім және ғылым министрлігі

Қазақстан Республикасының Ауыл шаруашылығы министрлігі

Қазақстан Республикасының Қаржы министрі

Қазақстан Республикасы Әділет министрінің орынбасары

Қазақстан Республикасы Ұлттық қауіпсіздік комитеті төрағасының орынбасары (келісім бойынша)

Қазақстан Республикасы Инвестициялар және даму министрлігі Аэроғарыш комитетінің төрағасы

«Байқоңыр» кешеніндегі Қазақстан Республикасы Президентінің арнаулы өкілі (келісім бойынша)