«Салық және бюджетке төленетін басқа да міндетті төлемдер туралы» Қазақстан Республикасының 2008 жылғы 10 желтоқсандағы Кодексінің (Салық кодексі) 77-бабы 2-тармағының 2) тармақшасына сәйкес Қазақстан Республикасының Үкіметі ҚАУЛЫ ЕТЕДІ: 

1. Қоса беріліп отырған:

1) инвестициялық салық преференцияларын қолдану бойынша салық тіркелімінің нысаны;

2) тіркелген активтер топтарының (кіші топтарының) құндық теңгерімдерін айқындау және тіркелген активтер бойынша кейінгі шығыстар бойынша салық тіркелімінің нысаны;

3) туынды қаржы құралдары бойынша салық тіркелімінің нысаны;

4) резидент емес заңды тұлғаның Қазақстан Республикасындағы тұрақты мекемесi шегерiмге жатқызған басқарушылық және жалпыәкiмшiлiк шығыстарының сомалары бойынша салық тіркелімінің нысаны;

5) тармақша алынып тасталды (ескертуді қараңыз)

5-тармақша алынып тасталды ҚР Үкіметінің 08.05.2013 жылғы № 458 Қаулысымен (09.11.2011 ж. редакцияны қараңыз) (алғашқы ресми жарияланғаннан кейін күнтізбелік 10 (он) күн өткен соң қолданысқа енгізілуі тиіс) 14.08.2013 жылы „Егемен Қазақстан„ Республикалық газетінде жарияланды

5-1) табыстарды есепке алу бойынша салық тіркелімінің нысаны;

1-тармақ 5-1-тармақшамен толықтырылды ҚР Үкіметінің 08.05.2013 жылғы № 458 Қаулысына сәйкес (алғашқы ресми жарияланғаннан кейін күнтізбелік 10 (он) күн өткен соң қолданысқа енгізілуі тиіс) 14.08.2013 жылы „Егемен Қазақстан„ Республикалық газетінде жарияланды

5-2) сатып алынған тауарларды, жұмыстар мен қызметтерді есепке алу бойынша салық тіркелімінің нысаны;

1-тармақ 5-2-тармақшамен толықтырылды ҚР Үкіметінің 08.05.2013 жылғы № 458 Қаулысына сәйкес (алғашқы ресми жарияланғаннан кейін күнтізбелік 10 (он) күн өткен соң қолданысқа енгізілуі тиіс) 14.08.2013 жылы „Егемен Қазақстан„ Республикалық газетінде жарияланды

5-3) жеке тұлғалардың төлем көзінен салық салынатын табыстарын, осындай табыстар жөніндегі салық міндеттемелерін, барлық салықтар мен аударымдарды қоса алғанда міндетті зейнетақы жарналары мен әлеуметтік аударымдарды есепке алу жөніндегі міндеттемелерді есепке алу бойынша салық тіркелімінің нысаны;

1-тармақ 5-3-тармақшамен толықтырылды ҚР Үкіметінің 08.05.2013 жылғы № 458 Қаулысына сәйкес (алғашқы ресми жарияланғаннан кейін күнтізбелік 10 (он) күн өткен соң қолданысқа енгізілуі тиіс) 14.08.2013 жылы „Егемен Қазақстан„ Республикалық газетінде жарияланды

5-4) қоршаған ортаға эмиссия үшін төлемақы мен жер үсті көздерінің су ресурстарын пайдаланғаны үшін төлемақы бойынша салық міндеттемелерін есепке алу бойынша салық тіркелімінің нысаны;

1-тармақ 5-4-тармақшамен толықтырылды ҚР Үкіметінің 08.05.2013 жылғы № 458 Қаулысына сәйкес (алғашқы ресми жарияланғаннан кейін күнтізбелік 10 (он) күн өткен соң қолданысқа енгізілуі тиіс) 14.08.2013 жылы „Егемен Қазақстан„ Республикалық газетінде жарияланды

6) Салық тіркелімдерінің нысандарын жасау қағидалары бекітілсін.

2. Қазақстан Республикасы Қаржы министрлігі осы қаулыдан туындайтын қажетті шараларды қабылдасын.

3. Осы қаулы 2012 жылғы 1 қаңтардан бастап қолданысқа енгізіледі және ресми жариялануға тиіс.