"Жекелеген қару түрлерінің айналымына мемлекеттік бақылау жасау туралы" Қазақстан Республикасының 1998 жылғы 30 желтоқсандағы Заңына сәйкес Қазақстан Республикасының Үкіметі ҚАУЛЫ ЕТЕДІ :
Внимание! Документ утратил силу с 22.10.2015
Азаматтық және қызметтік қару мен оның патрондарына криминалистік талаптар мен оларды сынау әдістерін, Азаматтық және қызметтік қару мен оның патрондарының криминалистік талаптарға сәйкестігіне қорытындылар беру қағидаларын бекіту туралы Қазақстан Республикасы Үкіметінің 2007 жылғы 29 қарашадағы N 1146 Қаулысы
Тақырып жаңа редакцияда ҚР Үкіметінің 07.12.2011 № 1483 (29.11.2007 жылғы редакцияны қараңыз) Қаулысымен.(алғашқы ресми жарияланғанынан кейін күнтізбелік он күн өткен соң қолданысқа енгізіледі) Осы Қаулы күшін жойды 2015 жылғы 22 қазаннан бастап ҚР Үкіметінің 12.10.2015 жылғы № 821 Қаулысына сәйкес «Криминалистік талаптар мен азаматтық және қызметтiк қару мен оның патрондарын сынау әдiстерiн бекіту туралы» ҚР Ішкі істер министрінің 16.03.2015 жылғы № 219 Бұйрығын қараңыз
Редакция 07.12.2011 жылы берілген өзгерістер мен толықтырулармен
1. Қоса беріліп отырған:
1) азаматтық және қызметтік қару мен оның патрондарына криминалистік талаптар мен оларды сынау әдістері;
2) азаматтық және қызметтік қару мен оның патрондарының криминалистік талаптарға сәйкестігіне қорытындылар беру қағидалары бекітілсін.
1-тармақ жаңа редакцияда ҚР Үкіметінің 07.12.2011 № 1483 (29.11.2007 жылғы редакцияны қараңыз) Қаулысымен.(алғашқы ресми жарияланғанынан кейін күнтізбелік он күн өткен соң қолданысқа енгізіледі)
2. Осы қаулы алғаш рет ресми жарияланғаннан кейін он күнтізбелік күн өткен соң қолданысқа енгізіледі.
Қазақстан Республикасының Премьер-Министрі
Қазақстан Республикасы Үкіметінің 2007 жылғы 29 қарашадағы N 1146 қаулысымен бекітілген
Азаматтық және қызметтік қару мен оның патрондарына қойылатын криминалистік талаптар мен сынау әдістері
1-бөлім. Атыс, белгі беру, газды, электрлі, пневматикалық қаруға, оның патрондарына, сондай-ақ қаруға құрылымдық жағынан ұқсас бұйымдарға қойылатын криминалистік талаптар
Тақырып жаңа редакцияда ҚР Үкіметінің 07.12.2011 № 1483 (29.11.2007 жылғы редакцияны қараңыз) Қаулысымен.(алғашқы ресми жарияланғанынан кейін күнтізбелік он күн өткен соң қолданысқа енгізіледі)
1. Жалпы ережелер
1. Осы криминалистік талаптар "Жекелеген қару түрлерінің айналымына мемлекеттік бақылау жасау туралы" Қазақстан Республикасының 1998 жылғы 30 желтоқсандағы Заңына сәйкес азаматтық және қызметтік қару мен оның патрондарын жасап шығаруды стандарттау жөніндегі нормативтік құжаттарды талдау, сондай-ақ криминалистік практиканы қорытындылау негізінде әзірленді және оларды сәйкестендіру және заңсыз қайта жасауды болдырмау мақсатында Қазақстан аумағында айналымда жүрген азаматтық және қызметтік қару мен оның патрондарына қойылатын арнайы техникалық талаптарды белгілейді.
Осы криминалистік талаптар Қазақстан Республикасының аумағында сату құқығынсыз, тек импорттаушы елдердің заңнамасының талаптарына сай экспортқа ғана өндірілген азаматтық және қызметтік қару мен оның патрондарына, сондай-ақ қару мен патрон жасап шығарушы кәсіпорындарда технологиялық мақсатта ғана пайдалануға арналған сынақ патрондарына, сондай-ақ электр қаруына қолданылмайды.
2. Атыс, белгі беретін, газды, электрлі, пневматикалық қаруға қойылатын жалпы криминалистік талаптар
Тақырып жаңа редакцияда ҚР Үкіметінің 07.12.2011 № 1483 (29.11.2007 жылғы редакцияны қараңыз) Қаулысымен.(алғашқы ресми жарияланғанынан кейін күнтізбелік он күн өткен соң қолданысқа енгізіледі)
2. Үрмелі қуаты 7,5 Джоульден (бұдан әрі - Дж) жоғары және калибрі 4,5 миллиметрден (бұдан әрі - мм) астам атыс, белгі беру, газды, электрлі, пневматикалық қарудың механикалық тәсілмен (соққы, қысым) немесе жоғары концентрацияланған энергия көздерін пайдаланып, оның ішінде лазермен орындалған, тереңдігі кемінде 0,2 мм өзін дараландыратын таңбалу белгісі (сериясы, нөмірі) болуға тиіс.
2-тармақ жаңа редакцияда ҚР Үкіметінің 07.12.2011 № 1483 (29.11.2007 жылғы редакцияны қараңыз) Қаулысымен.(алғашқы ресми жарияланғанынан кейін күнтізбелік он күн өткен соң қолданысқа енгізіледі)
3. Атыс, белгі беру, газды қарудан атылған гильзаларда оны сәйкестендіруге жеткілікті белгілер кешенін қамтитын қарудың бөлшектері мен тетіктерінің іздері қалуға тиіс.
4. Белгі беру, газды және пневматикалық қару бөлшектері мен тетіктерінің ерекшеліктері жауынгерлік, азаматтық және қызметтік атыс қаруларының бөлшектері мен тетіктерін бір-біріне ауыстыру мүмкіндігін қамтамасыз етпеуге тиіс.
5. Белгі беру және газды қару құрылымы қайтарымсыз өзгерместен снарядқа шаршы миллиметріне 0,5 Джоуль (бұдан әрі - Дж/мм 2 ) кинетикалық энергия үлесін (сот медицинасы қабылдаған адамды зақымдаудың ең төменгі энергетикалық өлшемі) беретін оқты және бытыралы қатты снарядпен ату мүмкіндігін қамтамасыз етпеуге тиіс.
3. Ойық және тегіс оқпанды атыс қаруларына қойылатын қосымша криминалистік талаптар
Полная версия