1. «Уәкілетті экономикалық оператор мәртебесін беру» мемлекеттік көрсетілетін қызметті (бұдан әрі – мемлекеттік көрсетілетін қызмет) Қазақстан Республикасы Үкіметінің 2014 жылғы 4 сәуірдегі № 319 қаулысымен бекітілген «Уәкілетті экономикалық оператор мәртебесін беру» мемлекеттік көрсетілетін қызмет стандартының (бұдан әрі – Стандарт) негізінде Қазақстан Республикасы Қаржы министрлігі Кедендік бақылау комитеті (бұдан әрі - көрсетілетін қызметті беруші) көрсетеді.

Құжаттарды қабылдау және мемлекеттік қызмет көрсету нәтижесін беру көрсетілетін қызметті берушінің кеңсесі арқылы жүзеге асырылады.

2. Мемлекеттік қызметті көрсету нысаны: қағаз түрінде.

3. Мемлекеттік қызмет көрсету нәтижесі – тұлғаны уәкілетті экономикалық операторлар тізіліміне енгізу туралы куәлік беру не осы мемлекеттік көрсетілетін қызмет стандартының 10-тармағында көрсетілген жағдайлар және негіздемелер бойынша мемлекеттік қызметті көрсетуден бас тарту туралы дәлелді жауап беру.

Мемлекеттік қызметті көрсету нәтижесін ұсыну нысаны: қағаз түрінде.

4. Көрсетілетін қызметті берушінің көрсетілетін қызметті алушыдан өтінішті (бұдан әрі – өтініш) және Стандарттың 9-тармағына сәйкес оған қоса берілетін құжаттарды алуы мемлекеттік қызмет көрсету жөніндегі рәсімнің (іс-әрекеттің) басталуы үшін негіздеме болып табылады.

5. Мемлекеттік қызмет көрсету процесінің құрамына кіретін рәсімдер (іс-әрекеттер), оларды орындау ұзақтығы:

1) өтінішті көрсетілетін қызметті берушінің кеңсесі қызметкерінің көрсетілетін қызметті алушыдан келіп түскен сәттен бастап 4 (төрт) сағаттың ішінде тіркеуі;

2) өтінішті көрсетілетін қызметті беруші басшысының өтінішті тіркеген күннен бастап күнтізбелік 1 (бір) күннің ішінде қарауы;

3) өтінішті көрсетілетін қызметті берушінің мемлекеттік қызмет көрсетуге жауапты құрылымдық бөлімшесінің (бұдан әрі – көрсетілетін қызметті берушінің құрылымдық бөлімшесі) басшысының өтінішті алған күннен бастап күнтізбелік 1 (бір) күннің ішінде қарауы;

4) өтінішті көрсетілетін қызметті берушінің құрылымдық бөлімшесі бас сарапшысының өтінішті алған сәттен бастап 2 (екі) сағаттың ішінде қарауы;

5) көрсетілетін қызметті берушінің құрылымдық бөлімшесі сарапшысының өтінішті алған күннен бастап күнтізбелік 3 (үш) күннің ішінде көрсетілетін қызметті алушы өтініште, сауалнамада толық мәліметтерді көрсетуі және Стандарттың 9-тармағында көзделген құжаттардың болу мәніне өтінішті қарауы және мынадай іс-әрекеттерді орындауы:

көрсетілетін қызметті алушы өтініште, сауалнамада толық емес мәліметтерді көрсеткен және (немесе) Стандарттың 9-тармағында көзделген құжаттар болмаған жағдайда мемлекеттік қызмет көрсетуден бас тарту туралы дәлелді жауапты ресімдеу және оны көрсетілетін қызметті берушінің басшысына қол қою үшін жолдау;

көрсетілетін қызметті алушы өтініште, сауалнамада толық мәліметтерді көрсеткен және Стандарттың 9-тармағында көзделген құжаттар болған жағдайда көрсетілетін қызметті берушінің аумақтық бөлімшелеріне көрсетілетін қызметті алушының уәкілетті экономикалық оператор мәртебесін беру шарттарына сәйкестігіне көшпелі кедендік тексеру (бұдан әрі – көшпелі кедендік тексеру) жүргізу туралы тапсырманы жіберу;

6) көрсетілетін қызметті берушінің аумақтық бөлімшенің көрсетілетін қызметті берушіден көшпелі кедендік тексеру жүргізу туралы тапсырманы алған күннен бастап күнтізбелік 60 (алпыс) күннің ішінде көшпелі кедендік тексеру жүргізуі;

7) көшпелі кедендік тексерудің нәтижесі бойынша көрсетілетін қызметті алушының уәкілетті экономикалық оператор мәртебесін беру шарттарына сәйкес болмауы анықталған кезде көрсетілетін қызметті берушінің құрылымдық бөлімшесі сарапшысының мемлекеттік қызмет көрсетуден бас тарту туралы дәлелді жауапты ресімдеуі және оны көшпелі кедендік тексерудің нәтижесін алған күннен бастап күнтізбелік 3 (үш) күннің ішінде көрсетілетін қызметті берушінің басшысына қол қою үшін жолдауы;