Қазақстан Республикасы Экономика және сауда министрлiгiнiң "Экономикалық зерттеулер институты" республикалық мемлекеттiк кәсiпорнын қайта ұйымдастыру туралы (шаруашылық жүргiзу құқығында) Қазақстан Республикасы Үкіметінің қаулысы 2001 жылғы 28 желтоқсан N 1748

1. Қазақстан Республикасы Экономика және сауда министрлiгiнiң "Экономикалық зерттеулер институты" республикалық мемлекеттiк кәсiпорны (шаруашылық жүргiзу құқығында) мемлекеттiң жарғылық капиталда жүз пайыз қатысуы және акциялардың мемлекеттiк пакетiн республикалық меншiкте сақтау арқылы "Экономикалық зерттеулер институты" жабық үлгiдегi коммерциялық емес акционерлiк қоғамы етiп (бұдан әрi - "Экономикалық зерттеулер институты" ЖАҚ) қайта құру жолымен қайта ұйымдастырылсын. 

2. Қазақстан Республикасы Қаржы министрлiгiнiң Мемлекеттiк мүлiк және жекешелендiру комитетi заңнамада белгiленген тәртiппен: 

1) "Экономикалық зерттеулер институты" ЖАҚ-ның жарғысын бекiтсiн және оны мемлекеттiк тiркеудi қамтамасыз етсiн; 

2) "Экономикалық зерттеулер институты" ЖАҚ мемлекеттiк тiркеуден кейiн белгiленген тәртiппен жарғылық капиталдың жалпы мөлшерiнiң 25%-ынан артық емес сомаға акциялардың қосымша эмиссиясын шығару жолымен оның жарғылық капиталын ұлғайтуға шаралар қабылдасын. Акциялардың қосымша эмиссиясын орналастыруды институт қызметкерлерi құрған заңды тұлғалардың арасында жабық әдiспен жүргiзсін; 

3) "Экономикалық зерттеулер институты" ЖАҚ акцияларының мемлекеттiк пакетiне иелiк ету және пайдалану құқығын Қазақстан Республикасының Экономика және сауда министрлiгiне берсiн; 

4) осы қаулыны iске асыру жөнiнде өзге де шаралар қабылдасын. 

3. Қазақстан Республикасы Yкiметiнiң қаулыларына мынадай өзгерiстер енгiзiлсiн: 

1) "Республикалық мемлекеттiк кәсiпорындар туралы" Қазақстан Республикасы Үкiметiнiң 1996 жылғы 25 маусымдағы N 790  қаулысына (Қазақстан Республикасының ПҮКЖ-ы, 1996 ж., N 29, 256-құжат): 

көрсетiлген қаулымен бекiтiлген Республикалық мемлекеттiк кәсiпорындардың тiзбесiнде: 

"Қазақстан Республикасының Экономика және сауда министрлiгi" деген бөлiмдегi реттiк нөмiрi 30а-3-жол алынып тасталсын; 

2) "Қазақстан Республикасы Экономика және сауда министрлiгiнiң мәселелерi" туралы Қазақстан Республикасы Yкiметiнiң 2001 жылғы 31 қаңтардағы N 165  қаулысына (Қазақстан Республикасының ПҮКЖ-ы, 2001 ж., N 4-5, 54-құжат):

көрсетiлген қаулымен бекiтiлген Қазақстан Республикасы Экономика және 
сауда министрлiгiнiң қарауындағы ұйымдардың тiзбесiнде "Экономикалық 
зерттеулер институты" республикалық мемлекеттiк кәсiпорны" (шаруашылық 
жүргiзу құқығында)" деген жол алынып тасталсын.
     4. Осы қаулы қол қойылған күнiнен бастап күшiне енедi.
     Қазақстан Республикасының
         Премьер-Министрі
     
     
Мамандар:
     Багарова Ж.А.,
     Қасымбеков Б.А.