Қазақстан Республикасының Парламентi Шаруашылық басқармасының республикалық мемлекеттік кәсіпорындарының жекелеген мәселелерi Қазақстан Республикасы Үкіметінің қаулысы. 2003 жылғы 17 қаңтар N 33

Қазақстан Республикасының Yкiметi ҚАУЛЫ ЕТЕДІ:

1. Мыналар: 

1) "Қазақстан Республикасы Парламентiнiң Өндiрiстiк-пайдалану кәсiпорны шаруашылық жүргiзу құқығындағы мемлекеттiк кәсiпорны" оны "Қазақстан Республикасының Парламентi Шаруашылық басқармасының Әкiмшiлiк ғимараттар дирекциясы" республикалық мемлекеттiк қазыналық кәсiпорны (бұдан әрi - Кәсiпорын) етiп қайта құру жолымен; 

2) "Қазақстан Республикасының Парламентi Шаруашылық басқармасының Тұрғын үй-коммуналдық шаруашылығы шаруашылық жүргiзу құқығындағы коммуналдық мемлекеттiк кәсiпорны" оны "Қазақстан Республикасының Парламентi Шаруашылық басқармасының Қызметтiк тұрғын үйлердi пайдалану жөнiндегi дирекциясы" республикалық мемлекеттiк қазыналық кәсiпорны (бұдан әрi - Дирекция) етiп қайта құру жолымен қайта ұйымдастырылсын.

2. Қызметiнiң негiзгi мәнi: 

1) Кәсiпорынның - Қазақстан Республикасының Парламентi Шаруашылық басқармасының қызметтiк ғимараттарын пайдалануды жүзеге асыру және жабдықтау функцияларын орындау; 

2) Дирекцияның - Қазақстан Республикасының Парламентi Шаруашылық басқармасының қызметтiк тұрғын үйлерiн пайдалануды жүзеге асыру және жабдықтау функцияларын орындау болып белгiленсiн.

3. Қазақстан Республикасы Парламентiнiң Шаруашылық басқармасы (келiсiм бойынша): 

1) Қазақстан Республикасы Қаржы министрлiгiнiң Мемлекеттiк мүлiк және жекешелендiру комитетiне жаңадан құрылған ұйымдардың жарғыларын бекiтуге ұсынсын және олардың әдiлет органдарында мемлекеттiк тiркелуiн қамтамасыз етсiн; 

2) осы қаулыдан туындайтын өзге де шараларды қабылдасын.

4. Тармақ күшін жойды (ескертуді қараңыз)

4-тармақ күшін жойды ҚР Үкіметінің 05.08.2013 жылғы № 796 Қаулысымен (17.01.2003 ж. редакцияны қараңыз)

5. Осы қаулы қол қойылған күнiнен бастап күшiне енедi.

Қазақстан Республикасының 

Премьер-Министрі