Алматы қаласының тұрғындары арасында коронавирустық инфекцияның таралуының одан әрі алдын алу мақсатында «Халық денсаулығы және денсаулық сақтау жүйесі туралы» Қазақстан Республикасының 2020 жылғы 7 шілдедегі Кодексінің 104-бабының 5 тармағына және «Шектеу іс-шараларын оның ішінде карантинді жүзеге асыру қағидаларын және пайда болу және таралу қаупі төнген кезде шектеу іс- шаралары, оның ішінде карантин енгізілетін инфекциялық аурулардың тізбесін бекіту туралы» Қазақстан Республикасы Денсаулық сақтау министрінің 2020 жылғы 21 желтоқсандағы № ҚР ДСМ-293/2020 бұйрығының 12 тармағына сәйкес ҚАУЛЫ ЕТЕМІН:

1.Алматы қаласының аудандарының әкімдері, мемлекеттік органдар, Кәсіпкерлер палатасы (келісім бойынша), құқық қорғау және арнайы органдар, мекемелер, кәсіпорындар мен кәсіпкерлік субъектілерінің басшылары қамтамасыз етсін: 

1.1.« Ashyq» жобасын енгізу туралы Қазақстам Республикасы Бас мемлекеттік санитариялық дәрігерінің 2022 жылғы 14 наурыздагы № 14 қаулысына сәйкес объектілерде «Ashyq» жобасын іске асыруды жалғастыруды және енгізуді;

1.2.«Қазақстан Республикасыиың халкы арасында коронавирустык инфекция ауруының алдын алу жөніндегі шараларды одан әрі күшейту туралы» 2022 жылғы 12 наурыздағы №12 және «Білім беру ұйымдарында шектеу іс-шараларын алын тастау туралы» 2022 жылғы 14 наурыздағы №13 Қазақстан Республикасы Бас мемлекеттік санитариялық дәрігерінің қаулыларын іске асыруды.

2.«Алматы қаласындағы карантиндік шараларды жеңілдету туралы» Алматы қаласының Бас мемлекеттік санитариялық дәрігерінің міндет аткарушының 2022 жылғы 11 ақпандағы №4 қаулысының күші жойылды деп танылсын.

3.Осы қаулының орындалуын бақылауды өзіме қалдырамын.

4.Осы қаулы қол қойылған күнінен бастап күшіне енеді.

Алматы қаласының Бас мемлекеттік санитариялық дәрігері Қ.Алпысбайұлы