«Мемлекеттік сатып алу туралы» Қазақстан Республикасының Заңы 16-бабының 2) тармақшасына сәйкес БҰЙЫРАМЫН:

Кіріспе жаңа редакцияда жазылды ҚР Қаржы министрінің 01.02.2022 жылғы № 112 Бұйрығына сәйкес (28.12.2015 ж. редакцияны қараңыз)(өзгерту 14.02.2022 жылдан бастап қолданысқа енгізіледі)

1. Қоса беріліп отырған Мемлекеттік сатып алу есептілігін жинау, қорыту және талдау қағидалары, оның ішінде мемлекеттік сатып алу есептілігін қалыптастыру тәртібі бекітілсін.

1-тармақ жаңа редакцияда жазылды ҚР Қаржы министрінің 01.02.2022 жылғы № 112 Бұйрығына сәйкес (28.12.2015 ж. редакцияны қараңыз)(өзгерту 14.02.2022 жылдан бастап қолданысқа енгізіледі)

2. Қазақстан Республикасы Қаржы министрлігінің мынадай бұйрықтарының күші жойылды деп танылсын:

1) «Қазақстан Республикасының индустриалдық-инновациялық қызметін мемлекеттік қолдау туралы заңнамасында көзделген, мемлекеттік сатып алу веб-порталымен интеграцияланған тауарлар, жұмыстар, көрсетілетін қызметтер мен оларды жеткізушілердің дерекқорына енгізілген отандық тауар өндірушілерден сатып алу туралы ақпаратты ескере отырып, есептілікті жинау, қорыту және талдау қағидасын бекіту туралы» Қазақстан Республикасы Премьер-Министрінің орынбасары - Қазақстан Республикасы Қаржы министрінің 2014 жылғы 26 ақпандағы № 77 бұйрығы (Нормативтік құқықтық актілерді мемлекеттік тіркеу тізілімінде № 9280 болып тіркелген, «Әділет» ақпараттық-құқықтық жүйесінде 2014 жылғы 24 сәуірде жарияланған);

2) «Қазақстан Республикасының индустриалдық-инновациялық қызметін мемлекеттік қолдау туралы заңнамасында көзделген, мемлекеттік сатып алу веб-порталымен интеграцияланған тауарлар, жұмыстар, көрсетілетін қызметтер мен оларды жеткізушілердің дерекқорына енгізілген отандық тауар өндірушілерден сатып алу туралы ақпаратты ескере отырып, есептілікті жинау, қорыту және талдау қағидасын бекіту туралы» Қазақстан Республикасы Премьер-Министрінің орынбасары - Қазақстан Республикасы Қаржы Министрінің 2014 жылғы 26 ақпандағы № 77 бұйрығына өзгерістер мен толықтыруды енгізу туралы» Қазақстан Республикасы Қаржы министрінің 2015 жылғы 22 маусымдағы № 372 бұйрығы (Нормативтік құқықтық актілерді мемлекеттік тіркеу тізілімінде № 11713 болып тіркелген, «Әділет» ақпараттық-құқықтық жүйесінде 2015 жылғы 5 тамызда жарияланған).

3. Қазақстан Республикасы Қаржы министрлігінің Мемлекеттiк сатып алу заңнамасы департаментi (С.М.Ахметов) заңнамамен белгiленген тәртiпте:

1) осы бұйрықтың Қазақстан Республикасы Әділет министрлігінде мемлекеттік тіркелуін;

2) осы бұйрық Қазақстан Республикасы Әділет министрлігінде мемлекеттік тіркегеннен кейін күнтізбелік он күн ішінде оны мерзімді баспа басылымдарында және «Әділет» ақпараттық-құқықтық жүйесінде ресми жариялауға, сондай-ақ Қазақстан Республикасының нормативтік құқықтық актілерінің Эталондық бақылау банкіне енгізу үшін «Республикалық құқықтық ақпарат орталығы» шаруашылық жүргізу құқығындағы республикалық мемлекеттік кәсіпорнына жіберілуін;

3) осы бұйрықтың Қазақстан Республикасы Қаржы министрлігінің интернет-ресурсына орналастырылуын қамтамасыз етсін.

3. Осы бұйрық алғашқы ресми жарияланған күнінен кейін қолданысқа енгiзiледi.

Қазақстан Республикасының Қаржы министрі Б. Сұлтанов

1. Осы Мемлекеттік сатып алу есептілігін жинау, қорыту және талдау қағидалары, оның ішінде мемлекеттік сатып алу есептілігін қалыптастыру тәртібі (бұдан әрі – Қағидалар) «Мемлекеттік сатып алу туралы» Қазақстан Республикасының Заңы 16-бабының 2) тармақшасына сәйкес әзірленді.

2. Қағидалар мемлекеттік сатып алу веб-порталы арқылы мемлекеттік сатып алу саласындағы уәкілетті органның мемлекеттік сатып алу есептілігін жинау, қорыту және талдау тәртібін, оның ішінде мемлекеттік сатып алу есептілігін қалыптастыру тәртібін айқындайды.

3. Қағидаларда мынадай ұғымдар пайдаланылады:

1) мемлекеттiк сатып алу веб-порталы – мемлекеттiк сатып алудың электрондық көрсетілетін қызметтеріне қол жеткiзудiң бірыңғай нүктесiн ұсынатын мемлекеттiк органның ақпараттық жүйесі;